Fjalori

Rezultate në përkufizime për “rrafshnaltë”

Mëso si ta përdorësh
<<< Kthehu te kërkimi kryesor në fjalor

LIQENOR

LIQENÓR,~E mb. 1. Që lidhet me liqenin, i liqenit; me prejardhje nga liqenet; që kalon nëpër liqen. Ultësirë (rrafshnaltë) liqenore. Rërë liqenore. Gropë liqenore. Zonë liqenore. Vend liqenor. Kufiri liqenor. Ujëra liqenore. Transport liqenor.
2. Që është plot liqene. Vend liqenor.

MOÇALIK

MOÇALÍK,~E mb. Moçalor. Tokë moçalike. Rrafshnaltë moçalike. Vend moçalik. Vise moçalike. Bimë moçalike.

PATAGONIAN

PATAGONIÁN,~E mb. Që ka të bëjë me Patagoninë (rrafshnaltë e shkretë në viset jugore të Argjentinës dhe të Kilit) ose me patagonianët, që është karakteristik për Patagoninë ose për patagonianët, i Patagonisë ose i patagonianëve.

PLLAJË

PLLÁJ/Ë,~A f. sh. ~A, ~AT gjeogr. Vend pak a shumë i rrafshët, që ngrihet butë në faqen e një kodre a të një mali; rrafshinë në një vend të lartë; rrafshnaltë. Pllajë e lartë rrafshnaltë. Pllajë e zhveshur. Pllajë me grurë. Pllajë me borë.
✱Sin.: rrafshnaltë, rrafshinë.

RRAFSHKODËR

RRAFSHKÓD/ËR,~RA f. sh. ~RA, ~RAT Rrafshnaltë kodrinore. Ngjitem në rrafshkodër.

RRAFSHNALTË

RRAFSHNÁLT/Ë,~A f. sh. ~A, ~AT gjeogr. Fushë shumë e gjerë që shtrihet në lartësi të madhe mbi nivelin e detit, rrafsh shumë i hapët në vise të larta malore. Rrafshnaltë e vogël. Rrafshnaltë mes maleve. Fshati ndodhej në një rrafshnaltë. Eci nëpër rrafshnaltën e gjerë.
✱Sin.: pllajë, rrafshinë, rrafshirë, rrafshe, malsheshe.

RRAFSHË

RRÁFSH/Ë,~A f. sh. ~A, ~AT Rrafsh i hapët në vise të larta malore, rrafshnaltë. Rrafshë me bar. Kalova nëpër rrafshën e gjerë.
✱Sin.: pllajë, rrafshinë, rrafshirë, rrafshe, malsheshe.

SHKRETINOR

SHKRETINÓR,~E mb., libr. Që i takon shkretëtirës; që është karakteristik për shkretëtirën, që ka natyrën e shkretëtirës. Zonë (rrafshnaltë) shkretinore. Klimë shkretinore.

SHKRETINOR

SHKRETINÓR,~E mb., libr. Që i takon shkretëtirës; që është karakteristik për shkretëtirën, që ka natyrën e shkretëtirës. Zonë (rrafshnaltë) shkretinore. Klimë shkretinore.

UJËNDARËSE

UJËNDÁRËS/E,~JA f. sh. ~E, ~ET gjeogr. Kreshtë, majë ose rrafshnaltë, që ndan pellgjet e rrjedhjes së dy lumenjve në drejtime të ndryshme. Ujëndarëse e madhe (e gjerë). Shërben si ujëndarëse.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë