Fjalori

Rezultate në përkufizime për “rrëzëllej”

Mëso si ta përdorësh
<<< Kthehu te kërkimi kryesor në fjalor

RREZATOJ

RREZAT/ÓJ vep., ~ÓVA, ~ÚAR 1. jokal., vet. v. III Lëshon dritë ose një energji tjetër në trajtë rrezesh, lëshon a përhap rreze. Trup që rrezaton dritë. Bomba rrezatoi energji bërthamore.
2. fig., vet. v. III Përhap rreth e rrotull një ndjenjë të brendshme, duket sikur e nxjerr dhe e shpërndan si rreze një ndjenjë të brendshme. Fytyra i rrezatonte gëzim. Sytë i rrezatonin dashuri.
3. fig., kal. Përhap nga një qendër në drejtime të ndryshme një ide, një dukuri, një ndikim etj. Njeriu i mirë rrezaton kudo ndikimin e vet.
4. kal. Ndriçoj me rreze. Dielli rrezaton tokën.
5. kal. Veproj me rreze mbi një trup, bombardoj me rreze. Rrezatoj patatet. Studiuesit rrezatuan me rreze rëntgen.
6. jokal. Lëshon rreze, ndrin, shkëlqen. Rrezaton dëbora. Rrezaton ari.
✱Sin.: bombardoj, hedh, shpërndaj, rrëzëllej.

RRËZËLLEJ

RRËZËLL/ÉJ vep., ~ÉVA, ~ÝER jokal. 1. vet. v. III Ndrit duke lëshuar rreze; shkëlqen duke pasqyruar rrezet; vezullon. Rrëzëllente dielli. Rrëzëllejnë yjet. I rrëzëllejnë flokët.
2. edhe fig., vet. v. III Shkëlqej shumë nga gëzimi ose nga një ndjenjë tjetër e brendshme; çelet e bëhet e hareshme nga gëzimi ose nga një ndjenjë tjetër (për fytyrën); ndrin. Unë rrëzëllej, sepse jam e lumtur. I rrëzëllejnë sytë. I rrëzëllen fytyra. Rrëzëllente nga gëzimi.
✱Sin.: vezulloj, shkëlqej.

RRËZËLLIM

RRËZËLLÍM,~I m. sh. ~E, ~ET 1. Veprimi kur rrëzëllej a rrëzëllen diçka. Rrëzëllimi i diellit.
2. fig. Gjendja kur rrëzëllej a rrëzëllen diçka. Vërejti rrëzëllimin e saj kur i foli.
3. Rrëzëllimë. I vriste sytë rrëzëllimi i shpateve të malit mbuluar me dëborë.
✱Sin.: vezullim, vezullimë, shkëlqim, ndritje, rrëzëllimë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë