Fjalori

Rezultate në përkufizime për “rrëmore”

Mëso si ta përdorësh
<<< Kthehu te kërkimi kryesor në fjalor

BRERIMË

BRERÍM/Ë,~AII f. sh. ~A, ~AT 1. Vend i rrëpirët ku rrëshqet dheu; shkazmë, rrëshqitë, shkarëzimë. Arat në brerimë as mbillen e as prodhojnë.
2. Vend i pjerrët e i lëmuar, ku rrëshqasin fëmijët duke u lëshuar nga lart.
✱Sin.: shkarëzimë, shkarëzim, shkazmë, shkarje, rrëmore, rrëshqitë, buzërripë, përlinë, shembëtirë.

BRINAJKË

BRINÁJK/Ë,~A f. sh. ~A, ~AT Rrëmore që krijohet nga rënia e shirave të rrëmbyeshëm.

GOJKË

GÓJK/Ë,~AIII f. sh. ~A, ~AT Vend thikë në faqe të malit, rrëmore. Gojkat e malit.

RRËMIQE

RRËMÍQ/E,~JA f. sh. ~E, ~ET Vend thikë, rrëmore, rrëpirë. Kur ishte i ri, u ngjitej rrëmiqeve me një frymë.

RRËMORE

RRËMÓR/E,~JA f. sh. ~E, ~ET 1. Vend thikë në faqe të malit, ku shket dheu e gurët; shkëmb thikë. Rrëmoret e malit. Ngjitem nëpër rrëmore.
2. Shumicë gurësh që sjellin përrenjtë malorë me vete ose që rrëshqasin nga lart; vend i mbushur me gurë të tillë; dhe i shkarë e i thërrmuar. Po punohen edhe rrëmoret.
✱Sin.: rrëmiqe, shkarëzimë, rrëshqitë, rrokullimë, rrëpirë.

SHEMBATË

SHEMBÁTË,~A f. sh. ~A, ~AT Vend që rrëshqet prej shirave, shembëtirë. Kaluan me kujdes shembatën. I shpëtuan shembatës. - Kujdes shembatën!
✱Sin.: shembëtirë, shembë, shemburinë, shembrak, shkarëzimë, rrëshkatë, rrëmore, rrëzimë, humbellë, zharginë, valishtë..

SHKARËZIMË

SHKARËZÍM/Ë,~A f. sh. ~A, ~AT 1. Tatëpjetë ku rrëshqet dheu, shkazmë, rrëshqitë. U ngjitën nëpër një shkarëzimë. E kaluan shkarëzimën me vështirësi.
2. Vend i pjerrët e i lëmuar ku rrëshqasin fëmijët duke u lëshuar nga lart; rrokullimë. Fëmijët po luanin te shkarëzima.
✱Sin.: shkazmë, shkarje, shqitë, rrëmore, rrëshqitë, rrëzimë, rrëpirë, lëmesë, zharginë, brerimë, dërrmë, shembëtirë, përlinë, buzërripë, kolrrokullimë.

SHQITË

SHQÍT/Ë,~A f. sh. ~A, ~AT Vend i pjerrët, shkarëzimë, rrëshqitë. Makina ra në një shqitë.
✱Sin.: shkazmë, shkarje, rrëmore, rrëshqitë, rrëzimë, rrëpirë, lëmesë, zharginë, brerimë, dërrmë, shembëtirë, përlinë, buzërripë, kolovajzë; rrokullimë, rrjedhje.

VITHI

VITHÍ,~A f. sh. ~, ~TË Shpat shumë i pjerrët, që zbret tatëpjetë. Malet kishin shumë vithi.
✱Sin.: rrëpirë, rrëmiqe, rrëmore, rrëgallë, brinjë, thikë, prijë, humbëtirë, greminë, karmë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë