Fjalori

Rezultate në përkufizime për “rrëkëllehem”

Mëso si ta përdorësh
<<< Kthehu te kërkimi kryesor në fjalor

BRANGALLEHEM

►BRANGALL/ÉHEM jovep., ~ÉVA (u), ~ÝER 1. vetv. Rrëkëllehem, rrokullisem, shakullisem.
2. pës. e BRANGALLÉJ.

BREGALOHEM

►BREGAL/ÓHEM jovep., ~ÓVA (u), ~ÚAR 1. vetv. Rrokullisem.
2. pës. e BREGALÓJ.
✱Sin.: rrëkëllehem, rrokullehem, rrëgallem, shakullisem, harakuqem.

PËRMBYSEM

►PËRMBÝS/EM jovep., ~A (u), ~UR 1. vetv. Bie përmbys, rrëzohem me fytyrë e me bark përdhe; shtrihem barkas. Nuk e mbanin këmbët dhe u përmbys.
2. vetv., vet. v. III Bie me pjesën e sipërme poshtë e me rrotat përpjetë (për automjetet). U përmbys me kamion. U përmbys vetura (karroca, lundra).
3. vetv., vet. v. III Ndryshon rrënjësisht një gjendje. U përmbys gjendja (situata).
4. vetv. Merr një drejtim të kundërt (një ngjarje a një punë). U përmbys rrjedha e ngjarjeve.
5. pës. e PËRMBÝS.
✱Sin.: batohem, batisem, kthehem, vithisem, prapohem, shembem, kapërdihem, rroposem, rrëzohem, gremisem, rrokullisem, rrëkëllehem, shfronësohem.
♦ (Edhe sikur) *bota (dynjaja, qielli) të përmbyset!

RROKULLEHEM

►RROKULL/ÉHEM jovep., ~ÉVA (u), ~ÝER vetv. 1. Rrokullisem. U rrokullye një gur nga mali. Rrokullehet si top.
2. Rrëkëllehem2, 3. Rrokullehej sa nga një anë në tjetrën. Janë rrokullyer mbretëri e histori gjatë historisë.
✱Sin.: shakullisem, rrotullohem.

RROKULLISEM

►RROKULLÍS/EM jovep., ~A (u), ~UR vetv. 1. Bie teposhtë duke u sjellë rreth vetes, lëviz duke u rrotulluar; rrëkëllehem; përmbysem. Iu rrokullis tenxherja në duar. I rrokulliseshin lotët. U rrokullisën gurët nga kodra (nga mali).
2. fig. Shkoj me shpejtësi drejt rënies a shkatërrimit, marr të tatëpjetën; bie, shkas. Gjithë ajo perandori u rrokullis teposhtë.
3. fig., vet. v. III Rrjedhin pa ndërprerje, kalojnë pa u ndalur njëra pas tjetrës, ndjekin njëra-tjetrën (për ditët, muajt, vitet etj., për ngjarjet etj.). Rrokullisen ditët (vitet). Rrokullisen ngjarjet me shpejtësi.
✱Sin.: rrokullehem, rrëgallem, shakullisem, rrjedh.

RRËGALLEM

RRËGÁLL/EM jovep., ~A (u), ~UR vetv. Rrokullisem. Iu rrëgallën tufat e shkarpave që kishte mbledhur.
✱Sin.: rrëkëllehem, rrokullehem, përmbysem.

RRËKËLLEHEM

►RRЁKЁLL/ÉHEM jovep., ~ÉVA (u), ~ÝER 1. vetv. Bie teposhtë duke u sjellë rreth vetes, lëviz tatëpjetë duke u rrotulluar, rrokullisem; përmbysem. U rrëkëllye në përrua. U rrëkëllyen njëri pas tjetrit. Rrëkëllehen tatëpjetë malit.
2. vetv. Kthehem e përkthehem në vend, sillem rrotull vetes i shtrirë në një vend. Rrëkëllehem në shtrat. Rrëkëllehem sa nga një anë në tjetrën.
3. fig., vetv. Përmbysem; bie nga pushteti ose fuqia, marr të tatëpjetën, rrëzohem. U rrëkëllyen mbretëritë.
4. pës. e RRËKËLLÉJ.
✱Sin.: rrokullisem, rreknehem, rrotullohem, mposhtem.

RRËKËLLIM

RRËKËLLÍM,~I m. sh. ~E, ~ET 1. Veprimi kur rrëkëllej dikë a diçka apo rrëkëllehem, rrokullisje; përmbysje. Rrëkëllimi i gurëve. E piu me një rrëkëllim. Historia na tregon për rrëkëllimin e perandorive.
2. Zhurma që bën një send duke u rrëkëllyer. Dëgjoheshin rrëkëllima gurësh.
✱Sin.: rrokullisje, rrokullimë.

SHKARËZITEM

►SHKARËZÍT/EM jovep., ~A (u), ~UR 1. vetv. Rrokullisem në një shkarëzimë. Shkarëzitem në greminë nga pakujdesia.
2. Lëshohen fëmijët duke rrëshqitur nga lart. Fëmijët shkarëziteshin mbi dëborë.
✱Sin.: rrëkëllehem, zhgërryhem, shakullisem.

TRANGELANGEM

►TRANGELÁNG/EM jovep., ~A (u), ~UR 1. vetv. Rrokullisem në mënyrë të shkujdesur, rrëkëllehem, rrëzohem (bie) rrokopujë. Trangelangeshin gurë nga shpati i malit. I ranë enët nga kreu i shkallëve dhe u trangelangën. U trangelang rrokapjekthi shkallëve.
2. pës. e TRANGELÁNG.
✱Sin.: rrokullisem, rrëkëllehem, rrakanisem, rrëzohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë