Fjalori

Rezultate në përkufizime për “rrëfimtare”

Mëso si ta përdorësh
<<< Kthehu te kërkimi kryesor në fjalor

ALTERNOHET

►ALTERN/ÓHET jovep., ~ÚA (u), ~ÚAR vet. v. III 1. vetv. Ndërrohet, ndërkëmbehet ose zëvendësohet me diçka tjetër. Klima alternohet mes lagështisë dhe thatësisë. Dita alternohet me natën çdo 24 orë. Alternohet e bardha dhe e zeza, e errëta dhe e ndritshmja. Programi alternohet çdo javë. Alternohet kuptimi i homonimeve. Alternohen subjektet rrëfimtare. Segmentet tingullore mund të alternohen.
2. pës. e ALTERNÓJ.
✱Sin.: këmbehet, shkëmbehet, ndërkëmbehet, ndërrohet, zëvendësohet, ndryshohet, shndërrohet.

EPOPE

EPOPÉ,~JA f. sh. ~, ~TË 1. let. Poemë e madhe epike ose vepër e madhe rrëfimtare në prozë ku përshkruhen bëma legjendare a ngjarje të rëndësishme historike të jetës së një populli. Epopetë e Homerit. Shkruaj një epope. Epope biblike. Ka ditur të krijojë epopenë kombëtare.
2. fig. Ngjarje a varg ngjarjesh heroike e të rëndësishme në jetën e një populli. Epope e lavdishme. Një epope e përgjakur. Me këtë betejë do të mbyllej epopeja heroike e Luftës Nacionalçlirimtare. Epopeja e Krujës. Lufta e Drashovicës është një epope e lavdishme.

PËRRALLËTARE

PËRRALLËTÁR/E,~JA f. sh. ~E, ~ET Ajo që tregon a që shkruan përralla.
✱Sin.: përrallare, përrallatare, rrëfimtare.

RRËFIMTARE

RRËFIMTÁR/E,~JA f. sh. ~E, ~ET 1. Tregimtare. Rrëfimtare e zonja.
2. fet. Ajo që rrëfehet te prifti. Ishte radha e rrëfimtares së parë të rrëfehej.
3. Ajo që nuk mban fjalë; fjalamane. Ishte në fshat një rrëfimtare që nuk i pushonte goja.
✱Sin.: rrëfyese, pendestare, kallëzimtare.

RRËFYESE

RRËFÝES/E,~JA f. sh. ~E, ~ET Tregimtare. Rrëfyesja ia nisi tregimit.
✱Sin.: rrëfimtare, kallëzimtare, përrallëtare.

TREGIMTARE

TREGIMTÁR/E,~JA f. sh. ~E, ~ET 1. let. Ajo që shkruan tregime. Tregimtare e dëgjuar.
2. Ajo që i tregon bukur ngjarjet, ndodhitë, historitë, gojëdhënat etj.; rrëfyese, rrëfimtare. Tregimtare e zonja (e madhe).
✱Sin.: rrëfimtare, kallëzimtare, rrëfyese, përrallëtare.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë