Fjalori

Rezultate në përkufizime për “rozmarinë”

Mëso si ta përdorësh
<<< Kthehu te kërkimi kryesor në fjalor

ANDROLIVAN

ANDROLIVÁN,~I m., bot. (lat. Rosmarinus officinalis, Salvia rosmarinus) Rozmarinë. Çaj i androlivanit. Vaji esenciali i androlivanit përdoret në terapi si qetësues. Shto gjethet e androlivanit kur pjek mishin!

AROMATIZOJ

AROMATIZ/ÓJ vep., ~ÓVA, ~ÚAR kal. Përdor ose shtoj erëza a aroma të këndshme për të përmirësuar shijen ose erën e mirë të gatesave, të prodhimeve kozmetike ose të prodhimeve të industrisë ushqimore; aromëzoj. Kuzhinieri aromatizoi gjellën me rozmarinë. Aromatizoj lëngun e frutave me portokall. Aromatizova rrobat me parfum.

DARDILIVAN

DARDILIVÁN,~I m., bot. Rozmarinë.

DHENDROLIVAN

DHENDROLIVÁN,~I m. sh. ~Ë, ~ËT bot. (lat. Rosmarinus officinalis) Rozmarinë.

ERATISUR

ERATÍSUR (i, e) mb. Që është ndrequr me erëza, që është eratisur. Mish i eratisur. Tava e eratisur me rozmarinë.

ROZMARINË

ROZMARÍN/Ë,~A f. sh. ~A, ~AT bot. (lat. Rosmarinus officinalis). Shkurre përherë e gjelbër e vendeve të ngrohta, me lule të vogla ngjyrë qielli ose të bardha, me gjethe të imëta si hala e me erë të këndshme, që përdoren në gjellë ose për të nxjerrë prej tyre një lloj vaji. Rozmarinë e egër. Era e rozmarinës. Vaj rozmarine.

SMAR

SMÁR,~I m. sh. ~E, ~ET bot. (lat. Rosmarinus officinalis) Shkurre përherë e gjelbër e viseve të ngrohta, me lule të vogla të kaltra ose të bardha, me gjethe të imëta si hala e me erë të këndshme, që përdoren në gjellë ose për të nxjerrë prej tyre një lloj vaji; rozmarinë. Aroma e smarit kundërmonte në të gjithë oborrin. Smari është një bimë aromatike shumë e përhapur në vendin tonë.

TANACET

TANACÉT,~I m., bot. Bar glistrash, bar krimbash, rozmarinë e egër; karajpel.

VISK

VIS/K,~UI m. sh. ~QE, ~QET bot. (lat. Thymus L.) Shkurre shumëvjeçare, e njohur gjithashtu si trumzë mali ose trumzë kopshti dhe përdoret shpesh për vetitë e saj mjekësore.
✱Sin.: trumzë, shtërmen, livandë, rozmarinë.

VJERSKER

VJÉRSKER,~I m. sh. ~Ë, ~ËT bot. (lat. Thymus L.) Trumzë, shtërmen, rozmarinë.

VRIESKË

VRIÉSK/Ë,~A f. sh. ~A, ~AT bot. (lat. Thymus) Bimë a shkurre shumëvjeçare me kërcej të vegjël të fortë, me gjethe të holla ngjyrë hiri të merme, me lule të bardha; lidh kokrra të vogla që përdoren për parfume dhe për kulinarinë.
✱Sin.: trumzë, rozmarinë, livandë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë