Fjalori

Rezultate në përkufizime për “rishikuar”

Mëso si ta përdorësh
<<< Kthehu te kërkimi kryesor në fjalor

AMENDUAR

AMENDÚAR (i, e) mb., drejt. Që është plotësuar ose që është ndryshuar me amendament një akt normativ. Ligj i amenduar. Nen i amenduar. Propozim i amenduar.
✱Sin.: i plotësuar, i shtuar, i ndryshuar, i rishikuar.

APELIM

APELÍM,~I m. sh. ~E, ~ET drejt. 1. Veprimi i të apeluarit, drejtimi i një thirrjeje ose kërkese për ndihmë, për përkrahje ose për veprim. Bëj apelim për ndihmë. Apelimit iu përgjigjën autoritetet përkatëse.
2. Veprimi i paraqitjes së një ankese ose një kërkese për shqyrtimin e një vendimi gjyqësor në një gjykatë më të lartë. E drejta e apelimit. Afati i apelimit. Shqyrtoi apelimin.
3. Dokumenti që përmban kërkesën për të rishikuar një vendim të dhënë nga gjyqi. Shkresë apelimi. Dorëzoj apelimin brenda afatit ligjor.
✱Sin.: thirrje, kërkesë, ankesë, ankim, ankimim, kundërshtim, lutje, apel.

APELOJ

APEL/ÓJ vep., ~ÓVA, ~ÚAR drejt., kal. 1. vjet. I drejtohem dikujt me thirrje ose me kërkesë për ndihmë, për përkrahje ose për veprim; bëj apel. Apeloj për ndihmë ndërkombëtare. Apeloi për të ndihmuar të dëmtuarit nga tërmeti.
2. I drejtohem një organi më të lartë për të rishikuar vendimin e dhënë nga një organ më i ulët, ankimoj. Apeloi vendimin. Apelova vendimin për të dytën herë.
✱Sin.: thërras, kërkoj, ankimoj, kundërshtoj.

BOTIM

BOTÍM,~I m. sh. ~E, ~ET 1. Veprimi kur botoj diçka; shtypje; vjet. shtypshkrim, nxjerrje. Botimi i veprave letrare. Përgatit për botim. Sheh dritën e botimit botohet. Procesi i botimit. Merr përsipër botimin. Viti i pestë i botimit.
2. Vepër, artikull, studim etj. që është shtypur dhe është vënë në qarkullim, ajo që është botuar. Botime periodike. Botime të ilustruara. Botime shkollore (mësimore). Botime letrare (politike, shkencore, artistike). Botimet e një autori. Botime të Akademisë së Shkencave (të Universitetit). Botime për fëmijë. Botim elektronik libër, artikull etj. i botuar dhe i shpërndarë me mjete elektronike.
3. Tërësia e kopjeve të një vepre të shtypura njëherësh. Botimi i parë (i dytë). Botim i përmirësuar (i rishikuar).
4. vjet. Njoftim a kumtim zyrtar i botuar; shpallje, lajmërim, proklamim. U njoftuan në një botim zyrtar.
✱Sin.: shpallje, proklamim, lajmërim, njoftim, kumtim.

RISHIKUAR

RISHIKÚAR (i, e) mb. Që është rishikuar. Program (buxhet) i rishikuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë