Fjalori

Rezultate në përkufizime për “ripunuar”

Mëso si ta përdorësh
<<< Kthehu te kërkimi kryesor në fjalor

NDRYSHUAR

NDRYSHÚAR (i, e) mb. Që ka ndryshuar, që ka marrë pamje ose cilësi të tjera në krahasim me ato që ka pasur. Erdhi krejt i ndryshuar. E gjeti vendin të ndryshuar. Është një nen i ndryshuar.
✱Sin.: i ribërë, i shndërruar, i ndërruar, i tjetërsuar, i ripunuar, i shkëmbyer.

PËRPUNUAR

PËRPUNÚAR (i, e) mb. 1. Që është punuar për ta sjellë në një gjendje më të mirë ose për ta bërë më të gatshëm për t’u përdorur. Lëndë e parë e përpunuar.
2. Që është punuar me kujdes për t’i rritur më tej vlerat e cilësinë. Roman (tekst) i përpunuar. Botim i ri i përpunuar. Projekt i përpunuar.
3. muz. Që është vënë dorë mbi të dhe i janë shtuar elemente të reja, pa prekur motivin kryesor (zakonisht për një këngë a valle popullore). Muzikë e përpunuar. Valle (këngë) të përpunuara.
✱Sin.: i punuar, i ripunuar, i manipuluar, i përsosur, i lëvruar, i latuar, i rrahur, i gdhendur, i përmirësuar, i redaktuar, i hartuar, i përgatitur, i përfunduar, i përsosur, i stërholluar, i zhvilluar.

RIKTHEJ

RIKTH/ÉJ vep., ~ÉVA, ~ÝER kal. 1. Kthej përsëri dikë a diçka në vendin e vet të mëparshëm; e kthej sërish aty ku ishte më parë. E rikthej në shtëpi (në shkollë, në punë, në detyrë). E rikthej në rrugë të drejtë.
2. I jap përsëri dikujt atë që i përket, që i ka humbur, ose që ia kisha marrë; e kthej përsëri në gjendjen e mëparshme. I rikthej paratë (plaçkat). E rikthej në jetë. I rikthej shëndetin. I rikthej nderin (dinjitetin).
3. Ia kthej përsëri diçka për ta ndrequr a për ta ripunuar. Ia riktheu relacionin. Ia rikthyen romanin (tregimin).

RIPUNUAR

RIPUNÚAR (i, e) mb. Që i është bërë një ripunim, që është ndrequr e përmirësuar më tej; që është punuar përsëri. Vepër e ripunuar. Artikull i ripunuar. Botim i ripunuar. Tokë e ripunuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë