Fjalori

Rezultate në përkufizime për “ripërtërirë”

Mëso si ta përdorësh
<<< Kthehu te kërkimi kryesor në fjalor

ARDHANGËT

ARDHÁNGËT (i, e) mb. Që është plot njomësi e gjallëri. Bredh i ardhangët. Gjethe (kokrra) të ardhangëta. Faqe të ardhangëta.
✱Sin.: i mbushur, i ngjeshur, i këndellët, i freskët, i përtëritur, i ripërtërirë, i gjallëruar, i rigjallëruar.

MASAZH

MASÁZH,~I m. sh. ~E, ~ET Fërkimi, goditja a tërheqja e muskujve dhe e indeve të trupit me duar a me mjete e aparate të posaçme për të nxitur qarkullimin e gjakut, për të shkrifëruar e ripërtërirë muskujt ose për qëllime mjekimi. Masazh i lehtë. Masazh kozmetik. Masazhi i fytyrës (i trupit, i muskujve). Seancë masazhi. Sallone masazhi. I bëj masazh trupit.
✱Sin.: fërkim, shkrifërim, shkrifje, shkrydhje, shprirje.

NEOREALIZËM

NEOREALÍZ/ËM,~MI m. Teori artistike, letrare, e ripërtërirë e realizmit, sidomos shkolla kinematografike italiane e karakterizuar nga realizmi i situatave, mjediseve e shqetësimeve sociale.

PËRSËRITUR

PËRSËRÍTUR (i, e) mb. 1. Që është bërë ose ka ndodhur edhe herë të tjera më parë; që bëhet më se një herë, që bëhet me këmbëngulje e në mënyrë të vazhdueshme. Kërkesa të përsëritura. Raste të përsëritura.
2. vjet. I ripërtërirë, i përtërirë. Komb i përsëritur.
✱Sin.: i përsëdytur, i përdytur, i përsëdytshëm, i përdytshëm, recidiv, i përtërirë, i ripërsëritshëm.

PËRTËRIRË

PËRTËRÍRË (i, e) mb. 1. Që është përtërirë; i rinuar. Plak i përtërirë. Natyrë e përtërirë.
2. fig. Që ka fituar forca të reja, i gjallëruar. Me shpirt të përtërirë. Me vëmendje të përtërirë.
3. Që del përsëri, që rishfaqet, që përsëritet. Bari i ripërtërirë. Hënë e përtërirë.
4. Me një pamje të re më të mirë. Fushat dukeshin të përtërira.
✱Sin.: i përtëritur, i ripërtërirë, i rinuar, i ringjallur, i gjallëruar, i ri, i këndellur, i kërthndezur, i freskët, i gjallë, i shëndoshur.

RIPËRTËRIRË

RIPËRTËRÍRË (i, e) mb. Që është ripërtërirë. Skuadër e ripërtërirë. Organizëm i ripërtërirë.

VENDÇLODHJE

VENDÇLÓDHJ/E,~A f. sh. ~E, ~ET 1. Vendi ku pushohet për t’u çlodhur, për të ripërtërirë forcat pas një pune të rëndë, udhëtimeve a lëvizjeve të gjata. Më në fund e gjetëm një vendçlodhje.
2. Vendi ku kalojmë pushimet për një kohë të caktuar. Vendçlodhjen këtë herë e kishim në plazh.

ZABEL

ZABÉL,~I m. sh. ~E, ~ET 1. Pyll i vogël e i dendur a pjesë pylli e ndarë më vete, korije. Zabel i dendur (i rralluar, i ripërtërirë). Zabel me dushk. Lis zabeli. Nëpër pyje e zabele. Si një fërfërime flete në zabel. Dhelpra u fut në një zabel. (folk.). Ushëtima e zabelit ta kthen zanin. Në zabel të erdha, / Goce të gjeta vetëm. (folk.). Nuk ka zabel pa lisa të shtrembër. (fj. u.). Zabeli afër të lë pa dru. (fj. u.). Mos shko në zabel pa kmesë! (fj. u.). Toka pa zabel si shtëpia pa themel. (fj. u.).
2. Vend me drurë e me shkurre të dendura. Në mes të zabelit. U fut në zabel.
3. si mb. Shumë i dendur; që është bërë si pyll. Misri ishte bërë zabel.
✱Sin.: korije, prozhëm, sharrak.
♦ *Grifshë zabeli.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë