Fjalori

Rezultate në përkufizime për “rinuar”

Mëso si ta përdorësh
<<< Kthehu te kërkimi kryesor në fjalor

GJALLËRUAR

GJALLËRÚAR (i, e) mb. Që është gjallëruar; i ripërtëritur. Atmosferë e natyrë e gjallëruar.
2. I shkathtësuar; që ka dalë nga plogështia. Fëmijë i gjallëruar.
✱Sin.: i ripërtëritur, i rinuar, i zhdërvjelltë, i përtëritur, i këndellur, i shkrifëruar, i shkathtësuar, i çndryshkur.

KËRTHNDEZUR

KËRTHNDÉZUR (i, e) mb. Që është kërthndezur; i harlisur. Djalë i kërthndezur. Lule (bimë) e kërthndezur.
✱Sin.: i rinuar, i harbuar, i përtërirë, i harlisur, i këndellur.

PËRTËRIRË

PËRTËRÍRË (i, e) mb. 1. Që është përtërirë; i rinuar. Plak i përtërirë. Natyrë e përtërirë.
2. fig. Që ka fituar forca të reja, i gjallëruar. Me shpirt të përtërirë. Me vëmendje të përtërirë.
3. Që del përsëri, që rishfaqet, që përsëritet. Bari i ripërtërirë. Hënë e përtërirë.
4. Me një pamje të re më të mirë. Fushat dukeshin të përtërira.
✱Sin.: i përtëritur, i ripërtërirë, i rinuar, i ringjallur, i gjallëruar, i ri, i këndellur, i kërthndezur, i freskët, i gjallë, i shëndoshur.

RINOJ

RIN/ÓJ vep., ~ÓVA, ~ÚAR kal. 1. E bëj më të ri; e bëj të duket më i ri. E rinoi plakun. Këto rroba të rinojnë.
2. fig. I jap gjallëri e forca të reja; e bëj ta ndiejë veten të ri; përtërij. Ky fëmijë na ka rinuar. E rinuan vendin.
3. Ul moshën e një grupi duke futur anëtarë në moshë të re, sjell gjak të ri, e përtërij. E rinuan shoqatën. Shtimi i lindjeve ka rinuar popullsinë.
✱Sin.: rij, kërthndez, përtërij.

RINUAR

RINÚAR (i, e) mb. 1. Që është rinuar, që duket më i ri. Aktorja e njohur u shfaq e rinuar në skenë.
2. I përtërirë. Komb i rinuar.
✱Sin.: i kërthndezur, i përtërirë.

RIPËRTËRITUR

RIPËRTËRÍTUR (i, e) mb. 1. Që ka nxjerrë përsëri një pjesë të organizmit; që ka ripërtëritur lëkurën. Me lëkurë të ripërtëritur. Me degë të ripërtëritura.
2. Që ka dalë prapë, që është rishfaqur; që është bërë përsëri siç ka qenë. Pyll (bar) i ripërtëritur. Hënë e ripërtëritur.
3. Që është shtuar me forca të reja, me përbërës të rinj etj., i përtëritur. Marrëveshje e ripërtëritur. Opozitë e ripërtëritur. Shpresë e ripërtëritur. Fuqi ushtarake e ripërtëritur.
4. fig. Që ka fituar përsëri forca të reja e gjallëri, që është bërë sërish si i ri; i përtërirë, i ringjallur. E shihte veten të ripërtëritur.
✱Sin.: i përtërirë, i përtëritur, i rishfaqur, i ringjallur, i rinuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë