Fjalori

Rezultate në përkufizime për “rinovoj”

Mëso si ta përdorësh
<<< Kthehu te kërkimi kryesor në fjalor

PATENTË

PATÉNT/Ë,~A f. sh. ~A, ~AT 1. Dokument, me të cilin njihet dhe mbrohet e drejta e autorësisë për një shpikje; të dhënat e plota për një shpikje a një teknologji ose për mënyrën e funksionimit të një pajisjeje. Patenta e shpikjes. Regjistrimi i patentës. Patentë për prodhimin (për nxjerrjen) e diçkaje. Blenë (shitën) patentën. Pajis me patentë. Prodhojnë sipas një patente.
2. Dokument, me të cilin pajiset dikush që mbaron një kurs dhe vërteton se ai është i aftë e ka të drejtë të ushtrojë një mjeshtëri a një veprimtari të caktuar; leja e aftësisë që i lëshohet një shoferi a një punonjësi për një mjeshtëri. Patentë shëndetësore. Patenta për drejtimin e makinës. Patentë shoferi. I hoqën pikë nga patenta. Rinovoj patentën. Patentë e përkohshme. Patentë 5-vjeçare (10-vjeçare, 15-vjeçare).
3. vjet. Taksë tregtie që u vihej zejtarëve. Patenta të larta (të mëdha). Komisioni i patentave.

PËRZGJAT

PËRZGJÁT vep., ~A, ~UR përf., kal. 1. Zgjat shumë. Mbeti zgjat e përzgjat.
2. Rinovoj; i zgjat afatin një leje, një kontrate etj.

RINOVOJ

RINOV/ÓJ vep., ~ÓVA, ~ÚAR kal. 1. Bëj të ri, restauroj, risoj. Rinovoj apartamentin.
2. Ndryshoj diçka për të mirë, përmirësoj, risoj. Rinovoj metodat.
3. Përtërij. Rinovoj kontratën.

RISOJ

RIS/ÓJ vep., ~ÓVA, ~ÚAR kal. Përtërij, rinovoj; sjell risi. Duhet risuar procesi i paqes në Lindjen e Mesme. Rast i volitshëm për të forcuar e risuar bashkëpunimin e për të punuar në favor të nevojtarëve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë