Fjalori

Rezultate në përkufizime për “rimëkëmbem”

Mëso si ta përdorësh
<<< Kthehu te kërkimi kryesor në fjalor

KAPEM

►KÁP/EM jovep., ~A (u), ~UR 1. vetv. Kap diku me dorë dikë a diçka për t’u mbajtur, për t’u mbështetur etj.; i jap dorën dikujt dhe ai më jep të tijën për të mos u rrëzuar a për të mos rënë etj. Kapemi dorë për dore për të mos rënë. Kapem pas krahut të dikujt (pas një dege të pemës). S’kisha ku të kapesha (për t’u mbajtur më këmbë).
2. edhe fig., vetv. Zihem, përleshem me dikë. U kapën njëri me tjetrin (për fyti). U kapën dhe u shanë.
3. edhe fig., vetv. Bazohem diku, nisem nga një shkak a një qëllim për të bërë diçka, për të folur etj.; i kushtoj më shumë vëmendje dhe rëndësi diçkaje. Të kapemi pas gjërave më kryesore (dhe jo pas gjërave më të vogla). Kapet nga interesi vetjak. Kapet nga qëllime të mira (të këqija).
4. edhe fig., vetv. Filloj të mëkëmbem a të rimëkëmbem nga ana shëndetësore, nga ana ekonomike etj.; nis të fitoj dhe të pasurohem. Është kapur mirë në këto kohët e fundit (dikush) ka filluar të rimëkëmbet nga ana ekonomike.
5. pës. e KAP.
✱Sin.: zihem, mbahem, ngërthehet, rrokem, kacafytem, mëkëmbem, rimëkëmbem, pasurohem.
♦ Kapet për *bërrylash (dikush). U kap (u zu) për *gryke (me dikë). Kapet pas *shkumëve (për shkume) (dikush).

MËKËMBEM

►MËKË́́MB/EM jovep., ~A (u), ~UR 1. vetv. Ngrihem me këmbë, filloj të eci me këmbët e mia; e marr veten nga një sëmundje e rëndë ose nga dobësia, forcohem. U mëkëmb i sëmuri (fëmija). U mëkëmbën viçat (qengjat). Sa ishte mëkëmbur.
2. fig., vetv. Bëhem siç kam qenë më parë a edhe më mirë; arrij në një gjendje të mirë ekonomike; ngrihem, rimëkëmbem. Vendi nisi të mëkëmbej pas krizës ekonomike. U mëkëmbën fshatrat.
3. pës. e MËKË́́MB.

PËRKËMBEM

►PËRKË́MB/EM jovep., ~A (u), ~UR vetv. 1. Rritem, hedh shtat dhe filloj të eci vetë. Sapo është përkëmbur djali.
2. Bëhem i zoti i vetes, i aftë për punë etj. S’është përkëmbur ende.
3. fig. E marr veten përsëri, përmirësohem pas një sëmundjeje ose dal nga një gjendje e vështirë ekonomike etj., mëkëmbem, rimëkëmbem. U përkëmb pas etheve (pas plagosjes). U përkëmbën shpejt.
✱Sin.: mëkëmbem, rimëkëmbem, përmirësohem.

RIMËKËMBJE

RIMËKË́MBJ/E,~A f. sh. ~E, ~ET Veprimi dhe gjendja kur rimëkëmb diçka; veprimi dhe gjendja kur rimëkëmbem. Rimëkëmbja e vendit (e ekonomisë, e bujqësisë). Rimëkëmbja e fshatrave (e rrugëve). Rimëkëmbjet e pyjeve. Fondi i rimëkëmbjes.
✱Sin.: mëkëmbje, përkëmbje, rindërtim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë