Fjalori

Rezultate në përkufizime për “rilind”

Mëso si ta përdorësh
<<< Kthehu te kërkimi kryesor në fjalor

ARDHANG

ARDHÁNG vep., ~A, ~UR kal. Kthej përsëri në jetë; sjell rishtas në jetë, e bëj të fitojë njomësi e gjallëri; i jap fuqi, e këndell (për bimët dhe qeniet e gjalla). I ardhangu lulet. U ardhang gjyshi shpejt.
✱Sin.: ngjall, ringjall, sjell, risjell, përtërit, gjallëroj, këndell, rilind.

ENGJËLLT

ÉNGJËLLT (i, e) mb., poet. Si engjëll, si prej engjëlli. Shiu në fytyrën tënde të engjëllt. Në mua rilind një dashuri e engjëllt. Zëri i engjëllt i këngëtares. Sytë e engjëllt të kaprollit.

LUMTUROJ

LUMTUR/ÓJ vep., ~ÓVA, ~ÚAR 1. kal. E bëj të lumtur dikë; e gëzoj dhe e kënaq shumë. E lumturoi nënën (gruan).
2. kal. E uroj dikë, e përgëzoj. E lumturoi për martesë.
3. jokal. Bëj jetë të lumtur, jetoj në lumturi. Rrofshin e lumturofshin fëmijët tanë!
4. fet. E quaj a e shpall dikë si të mundshëm për t’u shenjtëruar.
✱Sin.: rilind, gëzoj, kënaq, zbardh, uroj, përgëzoj, shpall.

PËRLIND

PËRLÍND vep., ~A, ~UR libr., jokal. dhe kal. Rilind. Përlindi kombi.

RILIND

RILÍND vep., ~A, ~UR 1. jokal., vet. v. III Lind përsëri, vjen përsëri në jetë diçka e shkatërruar a e zhdukur, ringjallet. Rilind një teori (një rrymë). I rilindi shpresa (besimi).

2. fig., jokal. Marr jetë të re, filloj jetë të re, rigjallërohem, përtërihem, lulëzoj, rijetësohem. Rilindi qyteti i vjetër nga lëvizja e turistëve. Skuadra e futbollit rilindi falë tre lojtarëve.

3. fig., kal. I jap jetë të re, ringjall, përtërij. Ardhja në jetë e nipit e rilindi.

✱Sin.: rilindem, përlind, ringjallem.

RILINDEM

►RILÍND/EM jovep., ~A (u), ~UR vetv. Lind përsëri, filloj një jetë të re, rilind. U rilind qyteti. U rilind klubi sportiv.

RILINDJE

RILÍNDJ/E,~A f. 1. Veprimi kur rilind ose kur rilindem. Rilindje e vërtetë. Rilindja e qytetit (e vendit). Rilindja e fashizmit (e diktaturës).
2. hist. Lëvizje e gjerë politike, shoqërore e kulturore me karakter kombëtar e demokratik, që mori hov në Shqipëri që nga gjysma e parë e shekullit XIX e vazhdoi deri në Shpalljen e Pavarësisë dhe që luftoi sidomos për përhapjen e zhvillimin e arsimit e të kulturës në gjuhën amtare. Rilindja Kombëtare Shqiptare. Epoka e Rilindjes. Ideolog (veprimtar) i Rilindjes. Letërsia e Rilindjes. Shtypi i Rilindjes.
3. hist. Epoka e lulëzimit të shkencave dhe të arteve në disa vende të Evropës në shekujt XV e XVI, që iu kundërvu ideologjisë e kulturës mesjetare, duke iu drejtuar si mbështetje kulturës dhe artit të lashtësisë. Rilindja evropiane. Letërsia (kultura) e Rilindjes. Poetët e Rilindjes. Arti i Rilindjes. Përfaqësuesit e Rilindjes. Epoka (lëvizja) e Rilindjes.

RINGJALLEM

►RINGJÁLL/EM jovep., ~A (u), ~UR 1. vetv. Kthehem përsëri në jetë; ngjallem. Ringjallet i sëmuri.
2. fig., vetv., vet. v. ІІI Vjen përsëri në jetë, rilind diçka e zhdukur a e shkatërruar; shfaqet përsëri me gjallëri, përtërihet. Iu ringjallën shpresat. Po ringjallen idetë iluministe. Ringjallet e kaluara. Ringjallet turizmi.
3. pës. e RINGJÁLL.
✱Sin.: rilind, ngjallet, përtërihem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë