Fjalori

Rezultate në përkufizime për “rikumbim”

Mëso si ta përdorësh
<<< Kthehu te kërkimi kryesor në fjalor

REZONANCË

REZONÁNC/Ë,~A f. sh. ~A, ~AT 1. Veti e një salle ose e një hapësire të mbyllur, që e përforcon një tingull kur përplaset në faqet e saj të brendshme, rikumbim. Rezonanca e sallës (e lokalit).
2. fiz. Dukuri e rritjes së gjerësisë së lëkundjeve të tingujve ose të valëve të tjera, që ndodh nga ndikimi i lëkundjeve të jashtme me të njëjtën denduri. Rezonancë tingullore (akustike, elektrike). Kutia e rezonancës. Hyn në rezonancë. Është në rezonancë me... Rezonancë magnetike teknikë imazherie mjekësore e përdorur në radiologji për të nxjerrë pamje dy ose tredimensionale të brendësisë së trupit dhe proceseve fiziologjike të tij.
3. fig., libr. Jehonë.
✱Sin.: rikumbim, jehonë.

RIKUMBIM

RIKUMBÍM,~I m. sh. ~E, ~ET 1. fiz. Rezonancë. Rikumbim i zërit.
2. Veti e një salle ose e një hapësire të mbyllur, që e përforcon një tingull kur përplaset në faqet e saj të brendshme; jehonë nga njëri skaj te tjetri. Rikumbimi i sallës (i lokalit).
✱Sin.: rezonancë, kumbim.

RIKUMBON

RIKUMB/ÓN vep., ~ÓI, ~ÚAR spec., jokal., vet. v. III 1. Ka rikumbim, përforcohet nga rikumbimi. Rikumbojnë zërat (tingujt). Rikumbojnë xhamat.
2. fiz. Bën rezonancë.

USHTIMË

USHTÍM/Ë,~A f. sh. ~A, ~AT 1. Zhurmë e mbytur dhe e fuqishme, që vjen prej së largu; gjëmim, uturimë: ushtima e erës (e topave); ushtima e maleve
2. fig. Jehonë, bujë. Ushtima e veprës së Skënderbeut.
✱Sin.: gjëmim, uturimë, gjëmë, oshtimë, rropamë, gjekëtimë, kumbim, rikumbim, buçimë, buçitje, kërcëllimë, kërcitje, kërcëllitje, pëlcitje, thirrje, jehonë, bujë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë