Fjalori

Rezultate në përkufizime për “rigë”

Mëso si ta përdorësh
<<< Kthehu te kërkimi kryesor në fjalor

MËNJË

MË́́NJ/Ë,~A f. 1. Shi i hollë, vesë shiu, rigë.
2. Nektar, mjalcë, vesa e mjaltit.
✱Sin.: rigë, vesë, nektar.

PIKËRRIMË

PIKËRRÍM/Ë,~A f. Rigë shiu.

RIGË

RÍG/Ë,~AІ f. sh. ~A, ~AT 1. Curril i hollë, vijë e hollë uji. Rigat e shiut. Dy riga lot.
2. vet. nj. Shi i imët e i lehtë që bie për një kohë të shkurtër, vesë shiu. Ra një rigë shi.
✱Sin.: vesim, vesë, vrizëm, mënjë, tym, lagështim.

RIGË

RÍG/Ë,~AІІ f. sh. ~A, ~AT Vizore. Rigë e shkallëzuar (matëse). Rigë njehsimi. Riga e kontrollit.

VESOR

VESÓR,~E mb. Që ka të bëjë me vesën, që i përket vesës, i vesës. Mëngjeset vesore mbuluan lëndinat. Bula (pikla) vesore. Shi vesor shi shumë i imët, rigë.

VESË

VÉS/Ë,~AI f. 1. Pika a bula të vogla uji, që bien në mbrëmje, natën ose në mëngjes herët mbi bar, mbi gjethet e bimëve etj. nga ftohja e avullit të ajrit. Vesë e hollë (e imët). Vesa e natës (e mëngjesit). Pikat e vesës. Trëndafil me vesë. I pastër (i kulluar) si vesa. Ka rënë vesë. E mbuloi vesa. Ndrit vesa.
2. Shi i imët e i lehtë, rigë. Ra një vesë. Rrugës na zuri një vesë shi.
✱Sin.: lagshtë, lashtë, mënjë, vesim, vrizëm, rosë, qekth, brymë.
♦ Si vesa në diell shih si vesa e mëngjesit. Si vesa e mëngjesit shpejt, menjëherë e pa lënë gjurmë; duke u shkrirë a duke u tretur sakaq.

VRIG

VRIG,~U m. sh. ~A, ~AT Rigë shiu, shi i imët. Filluan të binin disa vriga të rrallë.
✱Sin.: logrinë, rigë, pikla.

VRIGJËM

VRÍGJ/ËM,~MA f. Shi i imët, i lehtë, rigë. Vigjëm shiu. Jashtë ka filluar një vrigjëm e imët.
✱Sin.: logrinë, rigë, pikla.

VRISKË

VRISK/Ë,~AII f. sh. ~A, ~AT Vrushkull uji, gjaku; curril. Vriskë uji (gjaku).
✱Sin.: curril, çurg, gulf, gulfë, pizgë, rigë.

VRIZËM

VRÍZ/ËM,~MAII f. Shi i imët e i lehtë që nuk zgjat shumë, një vesë shi, rigë. Një vrizëm shi. Ra veç një vrizëm shi.
✱Sin.: shi, vesë, rigë, lagcinë.

VRUSHKULL

VRÚSHKU/LL,~LLI m. sh. ~J, ~JT [VRÚSHKULL,~A f. sh. ~A, ~AT] 1. Fshikull, vishkull, dru i njomë, i hollë e i gjatë, njëvjeçar. Ishte një pyll i ri me vrushkuj. Vrushkujt e pyllit. Vrushkull i njomë. I ra me vrushkull.
2. Curril i hollë (uji, gjaku etj.). Vrushkujt e ujit (qumështit). Vrushkujt e parë të kulloshtrës. Vrushkull gjaku. Vrushkull lotësh.
3. fig. Djalë me trup të bukur, të hollë e të drejtë. Ky vrushkull nuk është mësuar me punë. Është ende i njomë ai vrushkull.
✱Sin.: fshikull, thupër, shufër; curril, rrëke, çurgë, gulfë, pizgë, rigë, skurrjel, xhuvamë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë