Fjalori

Rezultate në përkufizime për “rifreskoj”

Mëso si ta përdorësh
<<< Kthehu te kërkimi kryesor në fjalor

AZHURNOJ

AZHURN/ÓJ vep., ~ÓVA, ~ÚAR libr., kal. 1. Shtyj për një kohë tjetër, shtyj për më vonë. Azhurnoj ndeshjen (lojën). Azhurnoi punimet.
2. E plotësoj dhe e pasuroj (një punim, leksion, raport etj.) me të dhënat e fundit për një çështje, e sjell një vepër në nivelin e sotëm të dijeve; përditësoj. Azhurnoj leksionet. Azhurnoj dokumentet zyrtare. Azhurnoj llogaritë. Azhurnoj listën e pasurive financiare.
3. inf. Përditësoj, përmirësoj, rifreskoj informacionin, të dhënat ose një sistem; mbaj një dokument, program ose sistem në përputhje me versionet e reja ose informacionet e fundit. Azhurnoj kompjuterin. Azhurnoj faqen zyrtare. Azhurnoj sistemin e alarmit.
✱Sin.: përditësoj, përmirësoj, rifreskoj, pajis.

GJENEROJ

GJENER/ÓJ vep., ~ÓVA, ~ÚAR kal. Përftoj, prodhoj a formoj diçka të re; rifreskoj. Gjeneroj ide. Disa modele universale gjenerojnë pafundësi thëniesh (gjuh.). Gjenerojmë shumë të ardhura. Gjenerojnë energji të pashtershme.
✱Sin.: riprodhoj, përfitoj, krijoj, formoj, ngjiz.

PËRTËRIJ

PËRTËRÍ/J vep., ~VA, ~RË kal. 1. E bëj dikë më të ri, e bëj të duket më i ri; ia përmirësoj shëndetin; e rinoj. E përtëriu klima malore.
2. E bëj të dalë prapë, të rishfaqet; e bëj si ka qenë, e rikthej; e përsërit. Shiu e përtëriu barin. E përtërinë atë çështje (atë bisedë).
3. I jap a i shtoj forca të reja; i shtoj fuqinë, e rrit me forca të reja. Ia përtëriu forcat.
4. fig. E bëj dikë ta ndiejë veten më të ri, i jap gjallëri e forca të reja; i jap diçkaje një pamje të re më të mirë, e bëj të lulëzojë. E përtëriu luginën. Fjalë (ngjarje) që të përtërijnë.
5. Fut pjesëtarë ose anëtarë të rinj në një organizatë, në një ekip etj. për ta forcuar e për t’i siguruar vijimësinë, e forcoj me gjak të ri. E përtërinë skuadrën. I përtërinë grupet artistike. E përtërinë grupin parlamentar.
✱Sin.: përtërit (përtëris), ripërtërij, rinoj, rij, rifreskoj, rishtoj, përsërit, ringjall, gjallëroj, përmirësoj, shëroj, rikthej, forcoj, fuqizoj, shtoj, rris, ringjall, rigjallëroj, çndryshk, këndell, shkund, flladis, lulëzoj, zbukuroj, hijeshoj, zgjoj, ardhang.

RIFRESKIM

RIFRESKÍM,~I m. sh. ~E, ~ET 1. Veprimi kur rifreskoj ose kur rifreskohet diçka.
2. Rrjedhimi kur rifreskoj ose kur rifreskohet diçka. Rifreskimi i të dhënave (i njohurive). Rifreskimin e certifikatës së pronësisë. Rifreskimi i këngëve (i poezisë). Rifreskimi institucional në nivele drejtuese. Rifreskimi i kujtesës.

RIFRESKOJ

RIFRESK/ÓJ vep., ~ÓVA, ~ÚAR kal. 1. I sjell diçka të re, i shtoj a i ndryshoj diçka për ta bërë më të ri, më të freskët; përtërij; përditësoj. Rifreskoj mësimin (lëndën, tekstin, dijet). Studentët gjatë praktikës shkencore rifreskojnë shumë koncepte-bazë. I rifreskuan ngjyrat e mureve të qytetit. Duhen rifreskuar të gjitha programet lëndore (ars.).
2. Sjell përsëri ndërmend me hollësi një kujtim a një ngjarje të së kaluarës, ringjall në kujtesë; i përtërij kujtesën. Rifreskoj ngjarjen. Rifreskoj kujtesën.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë