Fjalori

Rezultate në përkufizime për “ribërë”

Mëso si ta përdorësh
<<< Kthehu te kërkimi kryesor në fjalor

NDREQUR

NDRÉQUR (i, e) mb. 1. Që i janë rregulluar pjesët e prishura a të dëmtuara; kund. i prishur, i pandrequr. Këpucë të ndrequra. Shtëpitë e ndrequra pas tërmetit.
2. Që i janë përmirësuar të metat e gabimet. Faqet e ndrequra. Teksti i ndrequr.
3. arb. Që është bërë gati, që është përgatitur. Edhe ju qofshit të ndrequr!
✱Sin.: i rregulluar, i meremetuar, i riparuar, i rregulluar, i ujdisur, i goditur, i përmirësuar, i pajtuar, i qortuar, i korrigjuar, i paqmë, i ribërë.

NDRYSHUAR

NDRYSHÚAR (i, e) mb. Që ka ndryshuar, që ka marrë pamje ose cilësi të tjera në krahasim me ato që ka pasur. Erdhi krejt i ndryshuar. E gjeti vendin të ndryshuar. Është një nen i ndryshuar.
✱Sin.: i ribërë, i shndërruar, i ndërruar, i tjetërsuar, i ripunuar, i shkëmbyer.

RIBËRË

RIBË́RË (i, e) mb. 1. Që është bërë përsëri nga e para; që është ndrequr dhe ndryshuar tërësisht. Vepër e ribërë. Artikull (punim) i ribërë. Punë e ribërë. Rrugë e ribërë.
2. bised. I rikonstruktuar me kirurgji plastike. Fytyrë e ribërë. Gjoks i ribërë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë