Fjalori

Rezultate në përkufizime për “retinë”

Mëso si ta përdorësh
<<< Kthehu te kërkimi kryesor në fjalor

AMETROPI

AMETROPÍ,~A f., mjek. Shmangie nga përthyerja e rregullt e rrezeve të dritës në sy, që shkakton imazhet të paqarta në retinë; gjendja kur syri nuk e përqendron dritën saktësisht mbi retinë, gjë që çon në shikim të mjegullt. Vuan nga ametropia. U diagnostikua me ametropi. Llojet e ametropisë. Trajtim me laser i ametropisë.

FOTOGJEN

FOTOGJÉN,~II m. sh. ~Ë, ~ËT psikol. Figurë pamore që vazhdon edhe ca kohë pas ndërprerjes së veprimit të objektit në retinë. Fotogjeni i regjistruar.

RETINË

RETÍN/Ë,~A f. sh. ~A, ~AT anat. Shtresë e hollë indi në brendësi të syrit, që është e ndjeshme ndaj dritës dhe që ia përçon ndijimin trurit përmes nervit pamor për të krijuar një imazh, rrjetëza e syrit. Retina e syrit. Shëmbëllim (imazh, pamje) i krijuar në retinë.

RRJETINË

RRJETÍN/Ë,~A f. sh. ~A, ~AT anat. Rrjetëz, retinë. Rrjetina e syrit.

RRJETËZ

RRJÉTËZ,~A f. sh. ~A, ~AT 1. Tërësia e vijave të ndara sipas një shkalle të caktuar, që shënohen në thjerrëzën e një mjeti optik për të ndihmuar matjet drejtpërdrejt gjatë vrojtimit. Pastroj rrjetëzat e dylbive. Vuri rrjetëzën e mikroskopit.
2. anat. Cipa më e brendshme e kokërdhokut të syrit, e ndjeshme ndaj dritës, që ia përçon ndijimin nervit pamor, retinë. Rrjetëza e syrit.
✱Sin.: rrjetinë, retinë.

SHKOLITUR

SHKOLÍTUR (i, e) mb. 1. Që është shqitur, që është ndarë nga ngjitja; kund. i kolitur. Pullë e shkolitur. Retinë e shkolitur.
2. bised. Që është rrëzuar përdhe. Mur i shkolitur.
3. fig., bised. Që është sqaruar; i zgjidhur; kund. i koklavitur. Situatë e shkolitur. Çështje e shkolitur.
✱Sin.: i shkëputur, i shqitur, i çngjitur, i zgjidhur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë