Fjalori

Rezultate në përkufizime për “respektueshëm”

Mëso si ta përdorësh
<<< Kthehu te kërkimi kryesor në fjalor

NDERMË

NDÉRM/Ë (i), ~E (e)II mb., bised. Që është i ndershëm; i ndershëm.
✱Sin.: i ndershëm, i respektueshëm.

NDERUAR

NDERÚAR (i, e) mb. 1. Që nderohet nga të tjerët, që gëzon nderimin e të tjerëve; që çmohet e që vlerësohet nga të tjerët. Mysafirë të nderuar. Ndihet i nderuar. Punë e nderuar. Profesion i nderuar. Figura e nderuar e mësuesit. Vend i nderuar në shoqëri.
2. Përdoret para emrit të një njeriu, të cilit i drejtohemi me fjalë ose i shkruajmë një letër me nderim, në mënyrë zyrtare a gjysmëzyrtare. I nderuari mik! I nderuari zoti ministër... Shumë të nderuarit zotit... Të nderuar zonja e zotërinj! Të nderuar pjesëmarrës!
3. Që e ka kryer një punë mirë e me nder, faqebardhë. Dolëm të nderuar me punën tonë.
✱Sin.: i respektuar, i respektueshëm, i ndertë, i nderueshëm, i përfillur, i çmuar, i shquar, i lartë, i vlerësuar, i sjellshëm, fisnik, namusqar, zotëri, faqebardhë, faqelarë.

PARESPEKTUESHËM

PARESPEKTÚESH/ËM (i), ~ME (e) mb. 1. Që nuk është i respektueshëm; që nuk mund të respektohet; kund. i respektueshëm.
2. Që nuk i respekton të tjerët; kund. i respektueshëm.

RESPEKTUESHMËRI

RESPEKTUESHMËRÍ,~A f. 1. Gjendje e dikujt ose diçkaje që meriton respekt, të qenët i respektueshëm. Respektueshmëria e individit (e punës).
2. Respektim, zbatim i përpiktë. Respektueshmëria e rregullave (e ligjeve).

RESPEKTUESHËM

RESPEKTÚESH/ËM (i), ~ME (e) 1. Që gëzon nderimin e të tjerëve, i nderuar.
2. Që sillet me nderim ndaj dikujt, që nderon të tjerët; i sjellshëm. Njeri i respektueshëm.
✱Sin.: i nderuar, i sjellshëm.

SIKUSHËM

SIKÚSH/ËM (i), ~ME (e) mb. I sjellshëm, i shkueshëm. Djali është bërë i sikueshëm. Vajza e sikueshme i përshëndeste fqinjët çdo herë.
✱Sin.: i njerëzishëm, i respektueshëm, njerëzor, i përzemërt, i edukuar, prekatar, i begenisshëm, i begenisur, kokulur, kryeulët, i shtruar, i mbarë, këshillëmbarë, i dëgjueshëm, i dëgjuar, i thjeshtë, i mirë, i ndershëm, i pastër, i paqmë.

SJELLSHËM

SJÉLLSH/ËM (i), ~ME (e) mb. Që ka sjellje të mirë; që sillet me nderim ndaj të tjerëve; i njerëzishëm. Të edukojmë e të rrisim fëmijë të sjellshëm. Vajzat e vogla u treguan shumë të sjellshme. Ai ishte i sjellshëm me shokët.
✱Sin.: i njerëzishëm, i respektueshëm, i mbarë, i edukuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë