Fjalori

Rezultate në përkufizime për “rentë”

Mëso si ta përdorësh
<<< Kthehu te kërkimi kryesor në fjalor

ANUITET

ANUITÉT,~I m. sh. ~E, ~ET fin. Shlyerje vjetore e borxhit; mënyrë e shlyerjes së një borxhi ose e një investimi nëpërmjet pagesave të njëjta periodike që përfshijnë një pjesë të interesit dhe një pjesë të kapitalit. Kredi anuiteti. Anuitet vjetor (mujor). Të ardhura nga anuiteti. Rentë (qira) e shlyer me anuitet. I caktoi anuitet të përjetshëm. Llogaritja matematikore e një anuiteti.

DAMLLA

DAMLLÁ,~JA f., bised. 1. mjek. Sëmundje e rëndë që vjen nga gjakrrjedhja në tru ose nga mpiksja e gjakut në enët e trurit dhe që shkakton menjëherë humbjen e ndjenjave e ndërprerjen e lëvizjeve, shpeshherë pa ndaluar frymëmarrjen e qarkullimin e gjakut; pikë. I ra (e goditi) damllaja. Vdiq nga damllaja. U ra si një damlla. Të rentë damllaja! (mallk.). Damllaja e qumështit (veter.) sëmundje e rëndë e bagëtive, që shfaqet me dobësim të përgjithshëm, me fryrje të syve e të barkut dhe me çrregullim të të ecurit.
2. fig. Fatkeqësi e madhe a goditje e rëndë dhe e papritur. Lajmi i vdekjes qe një damlla për të gjithë.
♦ I ra damllaja (dikujt) ngriu në vend, u shtang, u bë si i vdekur (nga një lajm i hidhur, nga inati etj.); i ra pika. I kalli damllanë (dikujt a diçkaje) bised. e la, e flaku, e braktisi, nuk merret fare me të, se nuk e vlen a nuk e meriton; i kalli bretkun; i kalli (i futi) murtajën; i kalli (i futi) djallin; i kalli brirët.

HARAÇ

HARÁÇ,~I m. sh. ~E, ~ET 1. hist. Detyrim a taksë e veçantë në kohën e mesjetës, që i jepte ose i paguante një shtet një shteti tjetër kur mundej prej tij a kur pranonte t'i nënshtrohej atij; rentë.
2. fig., iron. Detyrim zakonisht në para, taksë e paligjshme; borxh. Haraç për kokë. Paguanin haraçin.
✱Sin.: rentë, teloznë, taksë, detyrim.

RENTË

RÉNT/Ë,~A f. sh. ~A, ~AT ek. Të ardhura në të holla ose në natyrë që merr pronari i një toke, i një pasurie ose i një kapitali; të ardhura që merren pa punuar. Rentë feudale. Rentë vjetore. Renta e tokës. Rentë në natyrë. Jetonin me rentë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë