Fjalori

Rezultate në përkufizime për “rendor”

Mëso si ta përdorësh
<<< Kthehu te kërkimi kryesor në fjalor

ARGON

ARGÓN,~I m., kim. Element kimik me numrin rendor 18 (simboli Ar); gaz i plogët, i rrallë, pa ngjyrë e pa erë, jo reaktiv në kushte normale, që gjendet në sasi të vogla në ajrin e atmosferës dhe që përdoret zakonisht për mbushjen e llambave elektrike. Llamba me argon.

LANTAN

LANTÁN,~I m., kim. Element kimik me numrin rendor 57; metal i butë me ngjyrë argjendi, shumë reaktiv ndaj ajrit dhe ujit (simboli La).

MATRIKULL

MATRÍKU/LL,~LLI m. sh. ~J, ~JT 1. Numri serial vetjak i një ushtari a i një arme. Matrikulli ushtarak (i ushtarit). Matrikulli i armës (i pushkës, i automatikut, i topit).
2. Numri serial që i vendoset një kafshe, shpendi, peme etj.; regjistrim. Matrikulli i qenit (i lopës, i dhisë, i patave të egra). Medalja (pllaka) e matrikullit.
3. Pllakë, kartelë ose shirit i posaçëm me këtë numër serial që shërben për regjistrim. Numri i matrikullit.
4. kryes. vjet. Regjistër me numër rendor të veçantë, që përmban emrat e njerëzve që bëjnë pjesë në një grup a kolektiv të caktuar; regjistri që përmban emrat e kafshëve (me shenjat e tyre të posaçme) të një ferme blegtorale etj.; regjistri i armëve ose i armatimeve të një reparti ushtarak; zyra ku mbahet ky regjistër dhe ku bëhet regjistrimi. Oficeri (nëpunësi) i matrikullit. Zyra e matrikullit. U regjistrua në matrikull.

NEPTUNIUM

NEPTÚNIUM,~I m. Element kimik artificial radioaktiv me numër rendor 93, që krijohet me veprimin e neutroneve në izotopin e uranit (simboli Np).

NIOB

NIOB,~I m. [NIOBIÚM,~I] kim. Element kimik, metal shumë i qëndrueshëm dhe i rrallë, num. rendor 41, pesha atomike 92,91, shenja kimike Nb.

NITON

NITÓN,~I m., kim. Gaz radioaktiv, pa ngjyrë, pa erë dhe pa shije, element kimik me num. rendor 86, pesha atomike 222 (simboli Nt.), radon.

NUMËR

NÚM/ËR,~RI m. sh. ~RA, ~RAT 1. Nocion themelor i matematikës, që shërben për të shprehur në mënyrë të përgjithësuar sasinë dhe për të bërë njehsimet. Numër i plotë. Numër thyesor. Numër pozitiv numër më i madh se zeroja. Numër negativ numër më i vogël se zeroja. Numër konkret numër i shoqëruar me një emër. Numër abstrakt numër që nuk shoqërohet me një emër. Numër dhjetor. Numër çift (tek). Numër natyror (real, imagjinar). Vargu i numrave natyrorë. Veprimet me numra.
2. Shenja a simboli me të cilin shprehet ky nocion, shifër. Numri 30. Shkrimi i numrave. U vunë numra hyrjeve (dyerve, karrigeve).
3. vet. nj. Sasi njerëzish a sendesh; sasi e pacaktuar. Një numër i madh (i vogël, i paktë). Numri mesatar. Numri i pjesëmarrësve (i votave). Numri i këshillave (i organizatave, i departamenteve). Numri këmbëve të krokodilit. Numri i rrathëve (i bimëve, i golave). Shtohet (pakësohet) numri.
4. Shenjë, e cila tregon vendin që zë diçka në një varg të pandërprerë sendesh dhe që shërben për ta dalluar nga sendet e tjera të njëjta; vetë sendi i shënuar me një shenjë të tillë. Numri rendor. Numri i shtëpisë (i telefonit). Numri i amzës. Numri i matrikullimit. Numri i biletës. Shtëpia (pallati) numër 6. Hyrja numër 4. Dhoma numër 10. Numri i fillit. tekst. Numri i armës (i pushkës). Numri atomik. fiz. numri i protoneve në bërthamën atomike të një elementi (simboli Z), i njëjtë me numrin e ngarkesave të bërthamës, si dhe me numrin rendor të elementit në sistemin periodik të elementeve.
5. Copë e vogël prej metali ose prej një lënde tjetër, që ka të shënuar një shifër dhe që shërben si shenjë dalluese për regjistrim, për ta paraqitur si dokument etj. Numri i veturës (i biçikletës). Marr (heq, ndërroj) numrin. Dorëzoj numrin. Kisha numrin 5 në radhë.
6. Një copë e një gazete a e një reviste, që mban një datë të caktuar. Numër i ri. Numri i fundit i gazetës (i revistës).
7. Përdoret për të treguar masën e një veshjeje a të këpucëve. Numra të mëdhenj (të vegjël). Numri i këmishës. Numri i këpucëve.
8. Pjesë e veçantë e një shfaqjeje të estradës, të një koncerti, të një cirku etj. Numër cirku. Numër tërheqës. Numër i ri. Numra akrobatikë. Numra shpejtësie.
9. vet. nj. Përbërja e një grupi sendesh, qeniesh a dukurish, e shprehur si një sasi e vetme. Hyn në këtë numër. Marr nga ai numër.
10. gjuh. Kategori gramatikore e emrit, e përemrit, e mbiemrit dhe e foljes, që tregon nëse është fjala për një apo për më shumë qenie, sende a dukuri ose nëse veprimi, gjendja a një tipar cilësor ka të bëjë me një apo me më shumë qenie, sende a dukuri. Numri njëjës. Numri shumës.
11. bised. Veprim i papritur e pak i çuditshëm, që bën dikush, trill; tekë, naze. Filloi të bënte numra. - Mos na bëj numra!
✱Sin.: sasi, shifër, shenjë, trill.
♦ Është sa për numër (dikush) nuk vlen, nuk hyn në punë a nuk bën asnjë punë. Numër një i pari, parësor, më i rëndësishmi. S’e vë (s’e zë, s’e shtie, s’e fut) në numër (dikë) nuk e përfill fare, nuk i jap rëndësi fare, nuk e çmoj, nuk e llogarit; s’e vë (s’e kam) në hesap.

RENDOR

RENDÓR,~E mb. Që tregon vendin në një renditje sipas numrave. Numër rendor numër vijues në një listë, në një regjistër etj. Shkruaj numrin rendor. Numëror rendor (gjuh., vjet.) numëror rreshtor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë