Fjalori

Rezultate në përkufizime për “rendohem”

Mëso si ta përdorësh
<<< Kthehu te kërkimi kryesor në fjalor

RADHITEM

►RADHÍT/EM jovep., ~A (u), ~UR 1. vetv. Vihem në radhë, rreshtohem; hyj në një radhë, zë vend në rresht. Radhiten trupat. Radhitemi para flamurit. U radhitën të parët në kampionat.
2. fig., vetv. Hyj në radhët e një organizate ose të një grupi e marr pjesë në veprimtarinë e tyre; zë vend përkrah një tjetri për të bashkëpunuar me të. Radhitemi në një front të përbashkët. Është radhitur me forcat kundërshtare. Janë radhitur të gjithë në Lidhjen tonë.
3. fig., vetv. Vihem në një radhë me diçka a me dikë tjetër, zë një vend a një shkallë të caktuar. Radhitet me më të mirët. Radhiten në vendet më të përparuara.
4. pës. e RADHÍT.
✱Sin.: rreshtohem, renditem, rendohem.

RENDIM

RENDÍM,~I m. sh. ~E, ~ET 1. Veprimi kur rendojІ, ose kur rendohem; renditje, radhitje. Rendimi i librave. Bëj rendimin.
2. usht. Vendosja e ushtarëve të një njësie sipas një radhe të caktuar për të kryer veprime, rreshtim. Rendimi luftarak. Marrin (zënë) rendimin.
✱Sin.: radhitje, renditje, rreshtim.

RRESHTOHEM

►RRESHT/ÓHEM jovep., ~ÓVA (u), ~ÚAR 1. vetv. Vihem në rresht, radhitem; hyj në një rresht, zë vend në radhë. U rreshtuan në batalion. U rreshtuan nxënësit për gjimnastikë.
2. fig., vetv. Hyj në radhët e një bashkësie ose të një grupi e marr pjesë në veprimtarinë e tyre; radhitem. U rreshtua krah për krah me shokët. Ishte rreshtuar në koalicionin për familjen.
3. fig., vetv. Vihem në një radhë me diçka a me dikë tjetër; zë një vend a një shkallë të caktuar, radhitem; krahasohem. Vendi po rreshtohet midis ekonomive më të përparuara të rajonit.
4. pës. e RRESHTÓJ.
✱Sin.: renditem, rendohem, bashkohem.

VARGOHEM

►VARG/ÓHEM jovep., ~ÓVA (u), ~ÚAR 1. vetv. Vihem në radhë pas një tjetri, bëhem varg me të tjerë; hyj në një varg, formoj një varg. Vargohem në valle. Vargohej kalorësia. U varguan krushqit. Vargoheshin ndërtesat (plepat). Rreshta të gjatë njerëzish u varguan në një kortezh.
2. pës. e VARGÓJ.
✱Sin.: rreshtohem, radhitem, renditem, rendohem, vargëzohem, vargëtohem.

VENDOSEM

►VENDÓS/EM jovep., ~A (u), ~UR 1. vetv. Shkoj për të banuar, për të jetuar e për të punuar diku, zë vend diku. U vendos në Tiranë. Dolën në pension e u vendosën në fshatin nga kishin ardhur.
2. kr. thj., vet. v. III U zgjidh një çështje a përfundoi një punë, mbaroi. U vendos ajo gjë. U vendos në punë.
3. pës. e VENDÓS.
✱Sin.: vendohem, ngulem, ngulitem, radhitem, vihem, rendohem, zatetem, shpërngulem, ormisem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë