Fjalori

Rezultate në përkufizime për “regjisorial”

Mëso si ta përdorësh
<<< Kthehu te kërkimi kryesor në fjalor

ETYD

ETÝD,~I m. sh. ~E, ~ET 1. muz. Kompozim i shkurtër për një instrument me karakter pedagogjik ose artistik, që synon përmirësimin e teknikës së instrumentistit. Luante ca etyde të shpejta. Në mur ishte varur një etyd i printuar. Po përgatis dy etyde për kontrollin teknik. Këtë etyd e pëlqej shumë.
2. art. Krijim i thjeshtë për të përvetësuar një teknikë artistike. Etyd për mjeshtërinë e aktorit. Etyd pranveror. Ndjekim etydin me shtatoren e re. Etyd regjisorial.
✱Sin.: kompozim, ushtrim, krijim.

REGJISORIAL

REGJISORIÁL,~E mb. Që ka të bëjë me punën e regjisorit; që lidhet me regjinë ose me regjisorin, i regjisë ose i regjisorit. Arti regjisorial. Punë regjisoriale. Mendimi (koncepti) regjisorial. Zgjidhja regjisoriale.

VEGIM

VEGÍM,~I m. sh. ~E, ~ET 1. Veprimi kur vegon; kur del drita e parë e mëngjesit. Vegimi i ditës. Shkrepi vegimi i ditës.
2. Veprimi kur mezi shohim a e dallojmë diçka, kur e shohim si nëpër mjegull. Vegim në errësirë. Vegimi i syve.
3. Diçka që na përfytyrohet në vetëdije pa e kapur me anë të shqisave; përhitje; përfytyrimi i çastit i dikujt a i diçkaje; ëndërr. Vegim i mrekullueshëm (fantastik). Vegim i mjegullt. Vegimet e fëmijërisë. Vegimi regjisorial. Iu shfaq një vegim. Humbi në vegime. U zhduk si vegim. Si në vegim.
✱Sin.: përhijim, vegullim, shkëndijim, hije, shajni, përfytyrim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë