Fjalori

Rezultate në përkufizime për “referendum”

Mëso si ta përdorësh
<<< Kthehu te kërkimi kryesor në fjalor

BOJKOTUAR

BOJKOTÚAR (i, e) mb., libr. Që është bojkotuar, i braktisur, i shpërfillur. Plan i bojkotuar. Veprimtari e bojkotuar. Referendum i bojkotuar. Mbeta i bojkotuar. Kuvend i bojkotuar.

LIGJVËNËS

LIGJVËNËS,~I m. sh. ~, ~IT 1. Organi më i lartë i pushtetit shtetëror që ka të drejtë të nxjerrë a të vendosë ligje; kuvend, parlament.
2. Ai që merret me hartimin e ligjeve, ai që bën ligjet, legjislator; anëtar i parlamentit, deputet. Ligjvënësit e Kuvendit të Shqipërisë. Kushtetuta kurrsesi nuk mund të miratohet me referendum, por nga një ligjvënës.
✱Sin.: kuvend, parlament, ligjhartues, ligjbërës, ligjtar, kuvendar, parlamentar, deputet.

MBARËPOPULLOR

MBARËPOPULLÓR,~E mb. Që përfshin gjithë popullin, që lidhet me të gjithë pjesëtarët e një populli pa përjashtim; që ndodh gjerësisht në tërë popullin. Është një shqetësim mbarëpopullor. Bëhet një referendum mbarëpopullor. Fiton mbështetje mbarëpopullore.

PLEBISHIT

PLEBISHÍT,~I m. sh. ~E, ~ET Votim i përgjithshëm për të vendosur për një çështje politike me rëndësi të veçantë; referendum. Plebishit popullor. Përfundimet e plebishitit. Morën pjesë në plebishit.

REFERENDUM

REFERENDÚM,~I m. sh. ~E, ~ET Formë e shprehjes së mendimit të zgjedhësve për një çështje shtetërore e shoqërore me rëndësi të veçantë, duke bërë votimin e përgjithshëm. Referendum popullor. Shpallja e referendumit. Organizuan një referendum.

VOTË

VÓT/Ë,~A f. sh. ~A, ~AT 1. E drejta e secilit për të zgjedhur ose për t’u zgjedhur, shprehja e mendimit dhe e vullnetit të secilit gjatë zgjedhjeve ose kur vendoset për një çështje; mendimi që shpreh dikush në raste të tilla dhe fleta a diçka tjetër që përdoret për këtë qëllim, përzgjedhje e zgjedhësit përkitazi me ndonjë subjekt politik ose një çështje të shprehur përmes fletëvotimit në zgjedhje ose referendum. E drejta e votës. Votë vendimore (këshillimore). Me shumicë votash. Jap votën për dikë a për diçka e pranoj a e përkrah, e miratoj. Numëruan votat. Vendimet merren me shumicë votash. Votë e lirë (e fshehtë, e përgjithshme). Mekanizmi i votës. Vë (hedh) në votë. Votë e lirë.
2. Votim.
3. bised. Short, lotari për të bërë diçka. I ra vota atij.
✱Sin.: zë, votim, short.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë