Fjalori

Rezultate në përkufizime për “reciprokisht”

Mëso si ta përdorësh
<<< Kthehu te kërkimi kryesor në fjalor

ANASJELLAS

ANASJÉLLAS ndajf. Në mënyrë të anasjelltë, të përkundërt; në drejtim të kundërt, mbrapsht, duke u nisur nga ana tjetër; kund. mbarë. Përkthim anasjellas. Respekti duhet të jetë anasjellas. Veproi anasjellas.
✱Sin.: praptas, prapthi, praptazi, mbrapsht, ndërsjelltas, reciprokisht.

NDËRSJELLAS

NDËRSJÉLLAS ndajf. Në mënyrë të ndërsjellë, anasjellas. Të dyja palët dërguan ndërsjellas aeroplanë të posaçëm për të tërhequr shtetasit e tyre. Ngushëlloheshin ndërsjellas. Të shprehurit dhe kuptimësia plotësohen ndërsjellas. Këshillojnë njëri-tjetrin ndërsjellas.
✱Sin.: reciprokisht, anasjellas, dyanësisht.

NDËRSJELLSHËM

NDËRSJÉLLSHËM ndajf. Në mënyrë të ndërsjellë. Respektojnë ndërsjellshëm njëri-tjetrin. Ndërsjellshëm përjashtues.
✱Sin.: reciprokisht, ndërsjellas, ndërsjellazi.

NDËRVARUR

NDËRVÁRUR (i, e) mb., libr. Që është i ndërvarur, që është në lidhje varësie të ndërsjellë; kund. i pandërvarur. Dukuri të ndërvarura. Tregues të ndërvarur. Ngjarje të lidhura e të ndërvarura. Botë komplekse dhe të ndërvarura. Të ndërvarura me njëra-tjetrën. Fenomene të ndërvarura. Fjali e ndërvarur. Të ndërlidhura dhe të ndërvarura reciprokisht.
✱Sin.: i ndërlidhur, bashkëveprues, i varur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë