Fjalori

Rezultate në përkufizime për “raja”

Mëso si ta përdorësh
<<< Kthehu te kërkimi kryesor në fjalor

FERRËZ

FÉRRËZ,~AII f. sh. ~A, ~AT zool. (lat. Raja asterias) Rraxhë. Shihte ferrëzat që po lëviznin në ujin e detit.

PUTHADOR

PUTHADÓR,~E mb. Që u përulet të tjerëve e u bën lajka, servil, lajkatar.
✱Sin.: puthadorës, puthatokës, puthakëmbës, puthakëmbë, puthabythës, servil, lajkatar, raja, i përulur, zvarranik, shpirtrob.

RAJA

RAJÁ,~JA m. sh. ~, ~TË 1. hist. Nënshtetas jo mysliman në Perandorinë Osmane, kryesisht i krishterë, që i nënshtrohej pagesës së haraçit.
2. hist. Bujk, fshatar që punon tokën dhe paguan taksat, pa dallim feje; përmb. fshatarësia e varfër, vegjëlia. Ngriti krye rajaja.
3. vjet. Nënshtetas, i nënshtruar i një sunduesi; vasal.
4. keq. Njeri i nënshtruar, që pranon pa bërë zë zgjedhën e tjetrit; shërbëtor a puthador i dikujt. Raja i bindur. Është bërë raja i gjithkujt.
✱Sin.: vegjëli, shërbëtor.

RRAXHË

RRÁXH/Ë,~AІІ f. sh. ~A, ~AT 1. zool. (lat. Raja clavata) Peshk deti me trup petashuq në trajtë rombi që ka bisht të hollë e të gjatë. Kishin dalë rraxhat në breg të detit.
2. Pjesë e parë e emërtimeve të pathjeshta për disa lloje rraxhash. Rraxhë elektrike (lat. Torpedo nobiliana). Rraxhë ferracake (lat. Raja fullonica, Leucoraja). Rraxhë e gurëve (lat. Synanceia verrucosa). Rraxhë pikaloshe (lat. Raja montagui). Rraxhë syvogël (lat. Raja microocellata). Rraxhë syzake (lat. Raja miraletus). Rraxhë turigjatë (lat. Raja oxyrhinchus). Rraxhë turishkurtër (lat. Raja radula). Rraxhë verdhoshe (lat. Raja brachyura).

SHËRBËTOR

SHËRBËTÓR,~I m. sh. ~Ë, ~ËT 1. Ai që shërben në një shtëpi a në një dyqan kundrejt një pagese. Punësoi një shërbëtor. E pushoi shërbëtorin. Punon si shërbëtor. Shërbëtor përtac.
2. Ai që merret me pastrimin, me ruajtjen dhe me shërbime të tjera në një institucion shtetëror ose privat. Shërbëtori i kishës. Shërbëtori i bashkisë. Shërbëtori i shkollës.
3. fig. Ai që i shërben me ndërgjegje e me besnikëri një kauze. Shërbëtor i popullit. Shërbëtor i njerëzve.
4. përb. Ai që është vënë me përulje dhe me besnikëri në shërbim të dikujt. Shërbëtor i përulur i diktatorit. Shërbëtor i politikës. Shërbëtor i regjimit.
5. keq. Ai që ka humbur lirinë dhe konsiderohet si pronë e dikujt. Sillet me ty si shërbëtor. Të trajton si shërbëtor.
✱Sin.: rrogëtar, shërbyes, shkarth, hyzmeqar, kopil, qole, shulk, kecan, raja, çirak, këlysh, mashë, puthador, lake, qehaja, çibuk, kobure, vegël, marionetë, servil.

VEGJËLI

VEGJËLÍ,~AI f., përmb. Shtresat e gjera e të varfra të popullit; masa; kund. pari. Zëri i vegjëlisë. Vegjëlia shqiptare. Vegjëlia e qytetit (e fshatit). Lufta e vegjëlisë. Ngriti kryet vegjëlia. Erdhi ditë, kur edhe vegjëlia ngriti grushtin kundër tiranisë.
✱Sin.: popull, raja, turmë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë