Fjalori

Rezultate në përkufizime për “qytetërohem”

Mëso si ta përdorësh
<<< Kthehu te kërkimi kryesor në fjalor

CIVILIZOHEM

►CIVILIZ/ÓHEM jovep., ~ÓVA (u), ~ÚAR vetv., libr. Qytetërohem; kuturohem dhe edukohem. Civilizohet gjithnjë e më shumë (shoqëria, zona). Civilizohen shqiptarët.

EMANCIPOHEM

►EMANCIP/ÓHEM jovep., ~ÓVA (u), ~ÚAR 1. vetv. Çlirohem nga varësia e dikujt a e diçkaje, fitoj të drejtat që më përkasin. Sindikatat të emancipohen pak lidhur me rolin e tyre në këtë shoqëri. Duhet depolitizuar shoqëria që të emancipohet politika. Duhet kohë që shoqëria të emancipohet.
2. vetv. Heq dorë nga kufizimet morale, çlirohem nga pengesat që më vendos morali konvencional. Femrat po emancipohen më shpejt se meshkujt. Me kalimin e kohës kjo shoqëri do të emancipohet.
3. pës. e EMANCIPÓJ. Elita nuk mund të emancipohej nga pushteti i vjetër. Mania për t’u emancipuar nga kontrolli fetar.
✱Sin.: çlirohem, ndriçohem, qytetërohem, zhvillohem.

NJERËZORËZOHEM

►NJERËZORËZ/ÓHEM jovep., ~ÓVA (u), ~ÚAR libr. 1. vetv. Bëhem njerëzor a më njerëzor.
2. fig. Qytetërohem, edukohem, latohem.
3. pës. e NJERËZORIZÓJ.
✱Sin.: njerizohem, humanizohem, qytetërohem, edukohem, emancipohem, latohem, gdhendem.

QYTETËRIM

QYTETËRÍM,~I m. sh. ~E, ~ET 1. Veprimi kur qytetëroj a qytetërohem. Në rrugën e qytetërimit.
2. Tërësia e arritjeve në fushën shoqërore e kulturore të një populli; shkallë e lartë zhvillimi. Qytetërimi shqiptar. Lindja (shuarja, zhdukja) e një qytetërimi.
3. hist. Periudha e tretë e shoqërisë së lashtë pas egërsisë e barbarisë, kur prodhimi e kultura arriti një shkallë më të lartë. Qytetërimi më i lashtë.
✱Sin.: qytetësi, zhvillim, edukim, arsimim, kulturim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë