Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
LÁGI/E,~A f. sh. ~E, ~ET Veprimi kur lag dikë a diçka, kur spërkat me ujë një njeri a një gjë a kur e bëj me ujë, kur e njom një gjë me diçka të lëngët, kur e bëj të qullet; kund. tharje. Nuk i shpëtoi lagies me ujë gjatë lojës me shokët. Lagie fare (bujq) proces i futjes së farës zakonisht në ujë të vakët, çka përshpejton mbirjen e shpejtë dhe normale të tyre.
✱Sin.: njomje, lëmekje, qullje, spërkatje, ujitje.
QULLÓSJ/E,~A f. sh. ~E, ~ET bised. Veprimi kur qullosim a kur qullosemi; qullje. Qullosja e fëmijëve. Qullosje e bisedimeve (keq.).
✱Sin.: të qullosurit, njomje, squllje, prishje, djallosje, katranosje.
QULLÓSUR,~IT (të) as. Qullosje; qullje. Të qullosurit e veshjeve.
SQÚLLJ/E,~A f. sh. ~E, ~ET 1. Veprimi kur squll a squllem; qullje. Pjekja dhe squllja e parakohshme e frutave i kalbi thuajse të gjitha.
2. fig. Dobësim, rënie e muskujve. Squllja e muskujve ishte shenja e parë e sëmundjes së rëndë. Si pasojë e squlljes dhe plogështisë së plotë, ai nuk po e merrte dot veten pas operacionit.
✱Sin.: ndulkje, zbutje, zbrujtje, flashkje, qullosje.
ZBÚTJ/E,~A f. 1. Veprimi kur zbut dikë a diçka; ulja e shkallës së fortësisë së diçkaje të fortë a të thatë për ta bërë më të butë; heqja e ashpërsisë, të bërit i butë në të prekur i diçkaje; njomja e diçkaje të fortë duke e spërkatur me ujë a me lëng tjetër. Zbutja e llaçit. Zbutja e plagës. Zbutja e kores së bukës. Zbutja e pëlhurës. Zbutja e lëkurës. Zbutja e duhanit. Pas zbutjes së tokës, nisin punët e stinës.
2. Ulje e shkallës së pjerrësisë duke e bërë sipërfaqe më të sheshtë; sheshim. Zbutja e pjerrësisë së rrugës.
3. Ulje e gradës së pijeve alkoolike apo heqja e kripërave minerale (për ujin). Zbutja e ujit. Përdoret për zbutjen e ujit. Zbutja e rakisë.
4. Stërvitje e kafshës së egër për të jetuar me njerëzit; kthimi nga gjendja e egër në gjendje të butë; shartimi i një druri të egër për ta kthyer në dru të butë. Zbutja e bimëve. Zbutja e kafshëve të egra. Zbutja e kumbullës së egër. Zbutja e gorricës në dardhë.
6. edhe fig. Përpjekje për të ulur gjakrat e për ta qetësuar dikë, për të ndrequr marrëdhëniet me të; ulja e forcës, e vrazhdësisë, e zemërimit etj.; qetësimi ose ulja e tensionit apo qëndrimeve ndaj diçaje; lehtësimi ose bërja më e pranueshme e një vendimi të vështirë etj.; të bërit më i këndshëm a më i pëlqyeshëm për veshin a për syrin. Zbutja e muhabetit. Zbutja e gjendjes (e situatës). Zbutja e zemërimit (e urrejtjes). Zbutja e dënimit (drejt.). Zbutja e zërit. Zbutja e ngjyrave (i dritave etj.). Masa për zbutjen e ndryshimeve klimatike. Zbutja e zhurmave. - S’është puna për kompromis, por për zbutjen e këtyre mosmarrëveshjeve. Fjalët e saj sollën zbutje të konfliktit mes dy palëve. Përpjekje për zbutjen e varfërisë (e papunësisë). Politikat e zbutjes së marrëdhënieve me fqinjët.
✱Sin.: butësim, zbutim, brumëzim, zbrujtje, zbrumim, brydhje, squllje, tutëlim, sqaqje, njomje, qullje, ëmbëlsim, qetësim, ulje, lehtësim, fashitje, urtësim, sheshim, rrumbullakosje.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë