Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
►LLOGARÍT/EM jovep., ~A (u), ~UR jokal. 1. Merrem parasysh; vlerësohem; konsiderohem; quhem. Llogaritem si kuadër i përgatitur për punët e administratës. Llogaritet si përkrahës i klasës politike në pushtet.
2. pës. e LLOGARÍT.
►MBÁ/HEM jovep., ~JTA (u), ~JTUR 1. vetv. Qëndroj në një gjendje të caktuar pasi jam kapur pas dikujt a pas diçkaje që të mos bie; qëndroj diku pa u rrëzuar; mbështetem diku që të mos bie. Mbahej me shkop. Mbahej me duar (me këmbë). Mbahej pas krahut të nënës. Mbahej pas parmakëve. Mbahej pas meje. Mbahej në degën e një peme. Ecte pa u mbajtur gjëkundi. Mbahej mirë në kalë.
2. fig., vetv. Jetoj, qëndroj e veproj duke u kapur pas diçkaje, duke u përpjekur të përfitoj nga diçka a dikush. Mbahet pas meritave të kaluara. Mbahet pas lidhjeve e krushqive. Mbahet pas fijes së kashtës (pas flokëve të vet).
3. vetv., vet. v. III Qëndron, nuk këputet, nuk thyhet, nuk bie etj.; fig. nuk është prishur ose zhdukur plotësisht, qëndron, rron. Këpucët (rrobat) mbahen ende. E vjetra kërkon të mbahet me çdo mënyrë.
4. vetv. Jam në gjendje të qëndroj, i bëj ballë një peshe, lodhjes etj.; jam mirë me shëndet, nuk më ka mposhtur sëmundja a pleqëria; kam ende forca për të jetuar, për të punuar a për të luftuar, qëndroj, nuk dorëzohem; kam ende mjete a mundësi ekonomike etj. për të jetuar ose për të kryer një veprimtari. Plaku mbahet mjaft mirë. Mezi mbahej më këmbë. S’i mbaheshin këmbët nga lodhja. A mbahesh? si je, si shkon? (përshëndetje). Skuadra u mbajt deri sa i erdhën përforcimet.
5. fig., vetv. Qëndroj i fortë e i patundur moralisht, nuk zmbrapsem para asnjë pengese a vështirësie, nuk më mposhtin dot hallet a fatkeqësitë. Mbahu, mos e lësho veten! U mbajt si trime. Mbahet mirë.
6. vetv. Përmbahem; e mbaj veten. Nuk mbahet nga gëzimi. S’u mbajt pa ia thënë të gjitha.
7. vetv. Tregoj kujdes për veten time; ushqehem, vishem e mbathem mirë; bëj jetë të mirë e të rregullt. Mbahet mirë. Mbahet pastër.
8. edhe fig., vetv. Jetoj, rroj. Njerëzit mbahen me bukë. Bagëtitë mbahen me bar e me kashtë. Nuk mbahet shtëpia me miell hua. (fj. u.).
9. fig., vetv. E quaj apo e vlerësoj veten në një mënyrë të caktuar, e heq veten, e pandeh, sillem në një mënyrë të caktuar; mburrem. Mbahet si i mençur (si budalla). Mbahet si shkrimtar. Mbahej për trim. Mbahet me të madh (rëndë). Mbahet se i di të gjitha. Mbahet si mik i shtëpisë. Si shumë na mbahet!
10. vetv. I qëndroj besnik diçkaje a dikujt, nuk i kapërcej caqet e diçkaje, nuk lëviz; i përmbahem (përdoret me një trajtë të shkurtër të përemrit vetor në rasën dhanore). I mbahem mendimit të parë. U mbahet rregullave e udhëzimeve. I mbahet pikë për pikë tekstit.
11. vetv., vet. v. III Më pengohet, më zihet, nuk shkon, nuk lëviz a nuk rrjedh lirisht (përdoret me një trajtë të shkurtër të përemrit vetor në rasën dhanore). I mbahet goja. Më mbahet fryma. I mbahej ujët e hollë.
12. fig., bised., vetv. Lidhem me dikë, mbaj anën e tij. Me cilën anë mbahet? Me kë mbahesh ti?
13. vetv., vet. v. III Zhvillon punimet, bëhet. U mbajt një mbledhje e rëndësishme. U mbajtën punimet e Kuvendit. U mbajt një kongres.
14. pës. e MBAJ.
✱Sin.: mbështetem, jetoj, veproj, kapem, qëndroj, rroj, përmbahem, shtirem, pengohet, zë, bëhet, zhvillohet, lidhem, ruhet, quhem.
♦ Mbahet *gjallë (dikush a diçka). Mbahet më *këmbë (dikush a diçka). Mbahet më *të madh (dikush). Mbahet *mend (dikush a diçka). Mbahet (varet) në një *qime.
►MEND/ÓHEM jovep., ~ÓVA (u), ~ÚAR 1. vetv. Rrah diçka me mend, arsyetoj për një gjë dhe përpiqem me mend të zbuloj thelbin e lidhjet e saj, ta kuptoj, ta zgjidh etj.; bie në mendime, vras mendjen; mendoj. U mendua thellë (gjatë). Mendohet si do t’ia dalë mbanë. Mendohej ditë e natë. Do të përgjigjem pasi të mendohem. Përse mendohesh? Nuk e lanë të mendohej. E tha pa u menduar. Mos u mendo më! vendose! jepi fund!
2. vetv. Kam ndër mend, synoj; matem, them; mendoj. Mendohem të nisem nesër. Mendohem t’ia them vetë.
3. vetv., vet. v. III Ka të ngjarë, ka mundësi; gjykohet se diçka do të bëhet duke marrë parasysh faktet dhe rrethanat. Mendohet se godina do të përfundojë brenda vitit. Mendohet se do të ketë shumë punë.
4. vetv., vet. v. III Besohet, thuhet, flitet. Mendohet se janë të pafajshëm (fajtorë). Mendohet se takimi do të kalojë pa debate.
5. vetv., vet. v. III Konceptohet, perceptohet. Këto dy fusha nuk mund të mendohen të shkëputura njëra nga tjetra. As që mund të mendohet ndryshe.
6. pës. e MENDÓJ3-6.
✱Sin.: mendoj, reflektoj, përsiat, thellohem, kujdesem, matem, quhem, besohet, flitet, thuhet.
QÚAJ vep., ~TA, ~TUR kal. 1. (me një trajtë të shkurtër të përemrit vetor në r. dhanore) E thërras me një emër; quhem. Si të quajnë?
2. I vë një emër dikujt për ta thirrur, i vë emrin. Djalin e quajtën Ron. Nuk e di si e quajnë.
3. fig. Kam një mendim për dikë a për diçka, e vlerësoj; e shpall diçka. E quanin fajtor. E quan të arsyeshme. E quan për detyrë. E quan veten hiqet.
4. Shpall fillimin a përfundimin e diçkaje. Konferencën e quaj të hapur. Projektin e quajmë të përfunduar.
✱Sin.: quhem, thërres, thërras, emërtoj, emëroj, shpall, ngjit, mbaj, mendoj, pranoj, gjykoj, konsideroj, llogaris, pandeh.
♦ E quaj (e shoh, e gjej) *të udhës (diçka).
ÚNË përem. ÚNË (dhan., kallëz. MÚA, tr. e shkurt. MË; rrjedh. MÉJE) vetor. Përdoret nga ai që flet a që shkruan për veten e vet. Unë quhem Ilir. Unë jam ai që kërkoni. Unë vetë e dija këtë. Unë dhe ti jemi miq. Unë fola. Unë e njoftova. Vetëm unë isha. Do të shkoj edhe unë. E di unë. E presin nga unë. Unë u ndjeva keq. Unë u lajmërova. Këtë e bëj unë. Unë e thashë atë? S'jam as unë, as ti. Këtë e ka nga unë.
♦ Sa e pe *ti e pashë dhe unë (dikë). Unë në Stamboll, ti më tregon *minaretë. Do të ketë një*shoshë diell edhe për mua.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë