Fjalori

Rezultate në përkufizime për “qiramarrës”

Mëso si ta përdorësh
<<< Kthehu te kërkimi kryesor në fjalor

ARMATOR

ARMATÓR,~II m. sh. ~Ë, ~ËT det. Pronar ose qiramarrës anijesh, që i pajis dhe i përdor ato për udhëtime dhe për tregti; armatues.
✱Sin.: armëtar, armatues.

NËNQIRAMARRJE

NËNQIRAMÁRRJ/E,~A f. sh. ~E, ~ET Marrja me qira një ambienti, një apartamenti etj. nga një tjetër qiramarrës, ose ndarje qiraje me këtë qiramarrës.

NËNQIRAMARRËS

NËNQIRAMÁRRËS,~I m. sh. ~, ~IT Ai që merr me qira një ambient, një apartament etj. nga një tjetër qiramarrës, ose e ndan qiranë me këtë qiramarrës.

NËNQIRAMARRËSE

NËNQIRAMÁRRËS/E,~JA f. sh. ~E, ~ET Ajo që merr me qira një ambient, një apartament etj. nga një tjetër qiramarrës, ose e ndan qiranë me këtë qiramarrës.

PAJTUES

PAJTÚES,~III m. sh. ~, ~IT 1. Ai që merr a zë me qira për një kohë të caktuar një mjet, një shtëpi etj. Pajtues makine (biçiklete, skafi).
2. Ai që bën pajtim për internetin, për një organ të shtypit, për ndeshjet sportive etj., abonues, abonent. Lista e pajtuesve. Shtohet numri i pajtuesve.
✱Sin.: qiramarrës, punëdhënës, abonues, abonent.

PARREGULLT

PARRÉGULLT (i, e) mb. 1. Që i mungon rregulli; që nuk ka renditje të rregullt; i çrregullt; kund. i rregullt. Vendosje e parregullt. Dhomë e parregullt. Në mënyrë të parregullt.
2. Që i ka pjesët ose përmasat në përpjesëtim të zhdrejtë ndërmjet tyre; që është i ndërtuar pa simetri; i çrregullt; kund. i rregullt. Dhëmbë të parregullt.
3. Që bëhet a që ndodh herë pas here me ndërprerje të ndryshme; që zhvillohet ose që punon jo sipas një rregulli të caktuar; i çrregullt; kund. i rregullt. Hap i parregullt. Zhvillim i parregullt. Frymëmarrje e parregullt. Linjë (vijë) e parregullt.
4. Që është në kundërshtim me rregullat e vendosura, që i shkel kërkesat e rregullat e pranuara, i çrregullt; kund. i rregullt. Dokument i parregullt. Veprim i parregullt. Gol i parregullt.
5. Që nuk mban rregull në jetën e përditshme, në punë, në veshje etj., që nuk e kryen rregullisht ose nuk e ndjek në rregull një veprimtari, një punë etj.; i çrregullt; kund. i rregullt. Nxënës i parregullt. Qiramarrës i parregullt.
6. gjuh. Që i ndryshon trajtat jo sipas rregullave të caktuara; që nuk është sipas një tipi të caktuar; kund. i rregullt. Folje e parregullt. Trajtë e parregullt.
✱Sin.: i çrregullt i çrregullt, shkatarraq, rrëmujëtar, skuriq, i papërpiktë, i papranueshëm, i rrëmujshëm.

QIRAMARRËS

QIRAMÁRRËS,~E mb. Që merr diçka me qira, zakonisht një shtëpi a një tokë. Banorët qiramarrës. Pala qiramarrëse.

QIRAMARRËS

QIRAMÁRRËS,~I m. sh. ~, ~IT Ai që merr diçka me qira, zakonisht një banesë a një tokë; qiraxhi. Detyrimet e qiramarrësit. Marrëdhënie kontraktore qiradhënës–qiramarrës.

QIRAXHI

QIRAXHÍ,~U m. sh. ~NJ, ~NJTË Ai që banon me qira në një banesë; qiramarrës. Dhoma e qiraxhiut. Ka qiraxhinj në shtëpi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë