Fjalori

Rezultate në përkufizime për “qetas”

Mëso si ta përdorësh
<<< Kthehu te kërkimi kryesor në fjalor

AVASH

AVÁSH ndajf., bised. 1. Pa u nxituar, ngadalë, jo shpejt. Eci avash. Punoj avash. Vjen avash. E bëj (e marr) avash.
2. Me zë të ulët, ngadalë; pa u ndier, pa bërë zhurmë. Flas avash. Ngrihem avash. Afrohem (futem) avash.
✱Sin.: ngadalë, ngadalshëm, qetë, qetas, qetësisht.

PRAJAS

PRÁJAS ndajf. Qetësisht, qetas; ngadalë; prajshëm.

QETAS

QÉTAS ndajf. 1. Pa u ndier, me qetësi, pa bërë zhurmë ose pa bërtitur; qetas, qetësisht. Buzëqeshte qetas. Pyeti qetas. Ia ktheu qetas.
2. Fshehurazi dhe pa u ndier, tinëz. Iu afrua qetas.
✱Sin.: qetësisht, qetë, qetazi, tinëz, fshehtas, fshehur, dinakërisht.

QETAZI

QÉTAZI ndajf. Qetas; qetë. Po udhëtonin qetazi. E shikonte qetazi.
✱Sin.: qetësisht, fshehtas, fshehur, dinakërisht.

QETTHI

QÉTTHI (së) [QÉTTHI] ndajf. bised. Qetas.
✱Sin.: qetë, qetas, qetësisht.

QETË

QÉTË ndajf. 1. Pa zhurmë, me lëvizje të ngadaltë e të shtruar; pa ndonjë shqetësim a diçka që ta ngacmojë, në prehje; qetësisht. Rrjedh qetë. Rreth e rrotull ishte qetë. Rri qetë. Fle qetë.
2. Ngadalë, pa u ngutur e pa rrëmujë, shtruar; me qetësi. Flet qetë. Ecën qetë. E merr punën qetë.
✱Sin.: qetësisht, qetas, qetazi.

QETË-QETË

QÉTË-QÉTË ndajf. 1. Pa u nxituar, fare ngadalë, pa u ngutur aspak, jo me rrëmbim; në qetësi të plotë; pa asnjë shqetësim; pa u trazuar fare, pa zhurmë. Ecte qetë-qetë. Fluturon qetë-qetë. Erdhi qetë-qetë. E bëri qetë-qetë. Ha qetë-qetë. E piu qetë-qetë. U ngrit qetë-qetë. Fle qetë-qetë. Ishte shtrirë qetë-qetë. E priti qetë-qetë.
2. Me zë të ulët e shtruar. Fliste qetë-qetë. E pyeti (iu përgjigj) qetë-qetë.
3. Fshehurazi e pa u ndier fare, tinëzisht. Iu afrua qetë-qetë. U futën brenda qetë-qetë. E mori qetë-qetë.
✱Sin.: qetë, qetësisht, qetas, qetazi, shtruar.

QETËSISHT

QETËSÍSHT ndajf. 1. Pa iu prishur rregulli e qetësia, në mënyrë të qetë, pa u trazuar e pa u ndier. Po lexonte qetësisht. E zhvilloi mësimin qetësisht.
2. Pa u ngutur e pa u rrëmbyer, me gjakftohtësi, në qetësi. Ia tha qetësisht. E mendoi më vonë qetësisht.
3. Pa u ndier e pa zhurmë, fshehurazi, qetas. Iu afrua qetësisht.
✱Sin.: qetë, qetas, shtruar, gjakftohtësisht, butë, fshehurazi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë