Fjalori

Rezultate në përkufizime për “qelepir”

Mëso si ta përdorësh
<<< Kthehu te kërkimi kryesor në fjalor

BADIHAVA

BADIHAVÁ ndajf., bised. 1. Pa paguar asgjë; pa shpërblim; falas, shumë lirë, gati falas. Merrte (jepte) badihava. Hante badihava. Punonte badihava. E bleu (e shiti) badihava. Sapuni pesë para, / Ujët badihava. (folk.). Kujunxhi të kam vëlla, / Më tret florinë badihava. (folk.).
2. fig. Pa dobi, kot së koti, kot; pa e marrë me gjithë mend dhe pa ndier përgjegjësi; në erë, në tym. Fliste (bluante) badihava. Dëgjonte badihava. Puno badihava, po mos rri badihava. (fj. u.).
✱Sin.: falas, gratis, darovisht, xhaba, qyl, qelepir, humbazi, veresie, bosh, humbur, huq.

DAROVISHT

DAROVÍSHT ndajf. Falas, si peshqesh. Ia dha darovisht.
✱Sin.: falas, badihava, gratis, qyl, qelepir, humbazi, veresie.

LAMASHËRI

LAMASHËRÍ,~A f. 1. keq. Sjellje prej lamashi; të qenët qelepirxhi; rrugaçëri.
2. përmb. Tërësia e njerëzve lamashë. U mblodh lamashëria.
✱Sin.: qelepir, zuzëri, rrugaçëri.

LLOK-LLOK

LLOK-LLÓK onom., krahin. 1. Duke vluar; duke u llokatur. Llok-llok e lluk-lluk kaçamaku në kusi.
2. si ndajf. Qelepir; falas; pa pagesë. Dëshironin që llok-llok të fitonin para të majme.

MUFT

MUFT ndajf., vjet. Qelepir, qyl. Ha (kërkon) muft.

QELEPIR

QELEPÍR ndajf., bised. Pa paguar gjë, falas, në kurriz të të tjerëve, pa punë e pa mund; qyl. E do qelepir. Rron qelepir. Ha qelepir.
✱Sin.: falas, qyl, muft.
♦ I bie qelepirit (dikush) bised. keq. i pëlqen e përpiqet të hajë e të pijë në kurriz të të tjerëve; i do gjërat falas, është qelepirxhi; përfiton falas nga diçka që nuk është e tij; i bie qylit; i bie qarit.

QELEPIRXHESHË

QELEPIRXHÉSH/Ë,~A f. sh. ~A, ~AT Ajo që i do gjërat qelepir; ajo që është mësuar të hajë e të pijë qelepir; zhvatëse; fig. qylaxheshë. Ama, qelepirxhesha të mëdha paskan qenë!
✱Sin.: zhvatëse, qylaxheshë, labërqare, skrodhe, lamashe.

QELEPIRXHI

QELEPIRXHÍ,~U m. sh. ~NJ, ~NJTË bised., keq. Ai që i do gjërat qelepir; ai që është mësuar të hajë e të pijë qelepir; zhvatës; fig. qylaxhi. Qelepirxhi i madh. U doli boja qelepirxhinjve.
✱Sin.: zhvatës, qylaxhi, labërqar, skrodh, lamash.

QYL

QYLI ndajf. Pa paguar; falas. E do qyl. Është mësuar keq, i do gjërat qyl.
✱Sin.: falas, gratis, qelepir, veresie.

QYLÇE

QÝLÇE ndajf. Falas. Po të vinte aty, do të hante qylçe?
✱Sin.: qyl, gratis, qelepir, veresie.

SHULUVREKTHI

SHULUVRÉKTHI ndajf. Pa paguar gjë, falas, në kurriz të të tjerëve, pa punë e pa mund, qelepir. Hante shuluvrekthi.

SKROPTH

SKRÓPTH,~I m sh. ~Ë, ~ËT Ai që i kërkon e i merr gjërat qelepir; ai që është mësuar të hajë e të pijë ose të rrojë në kurriz të të tjerëve; njeri që shkon pas qelepirit; qelepirxhi. Gjithë jetën një skropth kishte qenë. Bënte një jetë prej skropthi.

XHABA

XHÁBA ndajf., bised. 1. Falas; qelepir, qyl. E mori (e dha) xhaba diçka. Hante xhaba. Punonin xhaba.
2. Shumë lirë, gati falas. E bleu (e shiti) xhaba.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë