Fjalori

Rezultate në përkufizime për “qëllimmirë”

Mëso si ta përdorësh
<<< Kthehu te kërkimi kryesor në fjalor

DASHAMIR

DASHAMÍR,~E mb. Mirëdashës; kund. dashakeq. Këshillë dashamire.
✱Sin.: dashamirës, mirëdashës, fillmirë, qëllimmirë.

FILLMIRË

FILLMÍRË mb. Që ka qëllime a synime të mira, që nuk ka djallëzi e prapamendime, qëllimmirë, i ndershëm; kund. fillzi, fillkeq. Ishte një familje fillmirë.

MENDJEBARDHË

MENDJEBÁRDHË mb. Që i punon mendja për mirë, që mendon gjëra të mira e të mbara, që ka qëllime të mira, qëllimmirë.

MENDJEMBARË

MENDJEMBÁRË mb. Që i punon mendja për mbarë, mendjemirë; kund. mendjembrapshtë.
✱Sin.: mendjemirë, qëllimmirë.

MENDJEMIRË

MENDJEMÍRË mb. 1. Që ka qëllime të mira, që ka mendje të mirë, që mendon mirë, qëllimmirë; kund. mendjekeq, mendjelig. Njeri shpirtbardhë e mendjemirë. Njerëz vullnetmirë e mendjemirë.
2. si em. m. e f. Ai që ka qëllime të mira, ai që mendon për mirë. Mendjemirët i do gjithkush. Vendi i mendjemirëve.

NDERSHËM

NDÉRSH/ËM (i), ~ME (e) mb. 1. Që vepron në përputhje me moralin e normat e shoqërisë, që sillet dhe punon me nder, me drejtësi e me ndërgjegje; kund. i pandershëm. Njeri i ndershëm. Qytetar i ndershëm. Nëpunës të ndershëm. I ndershëm gjer në thembër.
2. Që bëhet duke punuar me nder, me drejtësi e me ndërgjegje; që përshkohet nga qëllime të drejta e të pastra, që shpreh drejtësi e çiltëri. Punë (sjellje) e ndershme. Qëndrim i ndershëm. Qëllime (synime) të ndershme. Me rrugë të ndershme. Proces i ndershëm.
3. Që përputhet me ligjet e ndershmërisë, të detyrës, të virtytit; që është i pastër moralisht; i pacenuar, i panjollosur. Vajzë (grua) e ndershme. Familje e ndershme. Njerëz të ndershëm. Të qenët i ndershëm.
✱Sin.: i ndërgjegjshëm, i virtytshëm, shpirtdëlirë, zemërbardhë, i ndermë, zemërartë, zemërdëlirë, i dëlirë, zemërpastër, i sjellshëm, zemërflori, zemërhapur, i sinqertë, faqelarë, qëllimmirë, fillmirë, fisnik, esnaf, i drejtë, i paanshëm, i çiltër, i pastër, besnik, i pacenuar, i panjollosur, namusqar.

NIJETMIRË

NIJETMÍRË mb. 1. Qëllimmirë, zemërmirë; kund. nijetkeq.
2. si em. Ai që është qëllimmirë, zemërmirë. Nijetmirit i shkon mbarë çdo gjë.

QËLLIMKEQ

QËLLIMKÉQ,~E mb. Që ka synim a qëllim të keq; kund. qëllimmirë. Njeri qëllimkeq. Shtrembërime qëllimkeqe.
✱Sin.: keqdashës, dashakeq, dashaligës, fillzi.

QËLLIMMIRË

QËLLIMMÍRË mb. Që ka synim a qëllim të mirë; kund. qëllimkeq. Njerëz qëllimmirë. Propozim qëllimmirë.
✱Sin.: mirëdashës, dashamirës, miqësor, fillmirë.

VULLNETMIRË

VULLNETMÍRË mb. 1. Që i dëshiron të mirën tjetrit; që përpiqet për të mirën e të tjerëve, që i mirëpret detyrat e përpiqet t'i plotësojë me të gjitha forcat; që është i prirur për t'i zgjidhur gjërat me dashamirësi e me mirëkuptim, që është i prirur për mirë. Njeri vullnetmirë. Djalë vullnetmirë. Tregohet vullnetmirë. Është vullnetmirë.
✱Sin.: dashamir, mik, mirëdashës, miqësor, paqësor, qëllimmirë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë