Fjalori

Rezultate në përkufizime për “qëkurse”

Mëso si ta përdorësh
<<< Kthehu te kërkimi kryesor në fjalor

DENBABADEN

DENBABADÉN ndajf., bised. Qysh prej kohëve më të lashta e deri sot, qëkurse mbahet mend, gjysh stërgjyshi; brez pa brezi, gjithmonë. Këtu kanë jetuar denbabaden. Kanë qenë bujq denbabaden. Kështu ka qenë denbabaden.
✱Sin.: gjithmonë, gjithnjë, përherë, ngaherë, kurdoherë, tejendanë, tejembanë, tejefund, lashtas, lashtazi.

QËKURSE

QËKÚRSE lidh. Që në kohën kur; që në çastin kur; sapo. Jam larguar, qëkurse isha e vogël. Qëkurse u nis, s'jemi parë më. E njoha, qëkurse e pashë.
✱Sin.: sapo, porsa, sa, teksa, qyshse.

SAPO

SAPÓ lidh. 1. Përdoret në krye të një fjalie të varur kohore, para foljes në mënyrën dëftore ose lidhore, që tregon se diçka kryhet fill para veprimit të shprehur në fjalinë kryesore; që në çastin kur, menjëherë sa, porsa. Do të vij sapo ta mbaroj. Sapo u ul, e thirrën nga jashtë. Sapo të më lajmëroshosh, do të nisem.
2. bised. Porsa, meqë. Sapo që nuk e di, të mos flasë. Sapo nuk ta kanë thënë, s'ke nga ta dish. Sapo nuk e mban mend, do ta kujtojmë ne.
✱Sin.: porsa, sa, teksa, posaqë, qëkurse, poqë, meqenëse.

STISEM

►STÍS/EM jovep., ~A (u), ~UR bised. 1. vetv. Vishem me gjëra të bukura. U stis e u stolis. Ishte stisur kaq bukur për festë.
2. vetv., vet. v. III Zë fill. Stisen kallinjtë nga fora e grurit. Qëkurse është stisur.
3. pës. e STIS. Lajmi ishte stisur nga fillimi në fund. Po stiset një përballje e dëmshme.
✱Sin.: vishem, stolisem, zbukurohem; përftohet, sajohet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë