Fjalori

Rezultate në përkufizime për “pushkatuar”

Mëso si ta përdorësh
<<< Kthehu te kërkimi kryesor në fjalor

PUSHKATUAR

PUSHKATÚAR (i, e) mb. Që është pushkatuar. Dy poetët e pushkatuar. Klerikët e pushkatuar. Gratë e pushkatuara.

PUSHKATUAR

PUSHKATÚAR,~I (i) m. sh. ~, ~IT (të) Ai që është pushkatuar. Të pushkatuarit për bindje politike.

PUSHKATUAR

PUSHKATÚAR,~A (e) f. sh. ~A, ~AT (të) Ajo që është pushkatuar.

VRARË

VRÁRË (i, e) mb. 1. Që është qëlluar me armë a me diçka tjetër dhe ka vdekur (për njerëzit) ose ka ngordhur (për kafshët). Njeriu i vrarë. Kafsha e vrarë.
2. Që është goditur me diçka dhe ka dëmtuar një pjesë të trupit, që i është bërë një plagë a një vurratë; që është vrarë ngaqë e ka shtrënguar diçka. Me dorë të vrarë. Me këmbë të vrarë. Erdhi me sy të vrarë.
3. Që është goditur a është dëmtuar dhe ka filluar të prishet (për pemët, perimet etj.). Pemë (mollë) të vrara. Gjethe të vrara. Heq pjesët e vrara.
4. fig. Që është prekur shumë, që ka një dhembje të thellë shpirtërore, i lënduar, i pikëlluar; që shpreh një gjendje mërzie të madhe, dëshpërimi a pendimi. I vrarë shpirtërisht. Njeri i vrarë. Me zemër të vrarë. Me ndërgjegje të vrarë. Me pamje të vrarë.
5. fig. I lodhur e i rraskapitur, me trup të dërrmuar; që shpreh lodhje, rraskapitje a këputje. E ndiente veten të vrarë. Të shoh të vrarë. Me pamje të vrarë.
✱Sin.: i vdekur, i pushkatuar, i vrarë, i mbytur, i shajtuar, i shituar, i ganduar, i lënduar, i shituar.
♦ Barrë e vrarë (në bark të nënës) shih barrë e mallkuar etnogr. *Bollë e vrarë. Jam me zemër (me shpirt) të vrarë shih e kam zemrën (shpirtin) të vrarë. E kam zemrën (shpirtin) të vrarë jam shumë i pikëlluar, jam i brengosur; jam me zemër (me shpirt) të vrarë; e kam zemrën plagë; më dhemb (më ther) zemra. *Morr i ngordhur (i vrarë) përb., thjeshtligj. Me *zemër (me shpirt) të vrarë.

VRARË

VRÁR/Ë,~I (i) m. sh. ~Ë, ~ËT (të) Të qenët i vrarë, ai që është qëlluar me armë a ma diçka tjetër dhe është vrarë. Trupi i të vrarit. Të vrarët për atdhe nuk vdesin! Familja e të vrarit. Një numër i madh i të vrarëve.
✱Sin.: i pushkatuar, i vdekur.

VRARË

VRÁR/Ë,~AI (e) f. sh. ~A, ~AT (të) Të qenët e vrarë, ajo që është qëlluar me armë a ma diçka tjetër dhe është vrarë. Trupi i të vrarës. Njerëzit (familja) e të vrarës.
✱Sin.: e pushkatuar, e vdekur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë