Fjalori

Rezultate në përkufizime për “punësohem”

Mëso si ta përdorësh
<<< Kthehu te kërkimi kryesor në fjalor

DYPUNËSOHEM

►DYPUNËS/ÓHEM jovep., ~ÓVA (u), ~ÚAR 1. vetv. Punësohem në dy vende pune njëkohësisht ose kam dy vende pune me kohë të pjesshme, ose kam një punë kryesore dhe një tjetër shtesë.
2. pës. e DYPUNËSÓJ. Ai u dypunësua nga dy punëmarrës.

KËRKOJ

KËRK/ÓJ vep., ~OVA, ~UAR 1. kal. Dëshiroj të gjej dikë a diçka që nuk dihet se ku ndodhet. Kërkojnë të arratisurin. E kërkuan, por nuk e gjetën. Do ta kërkojmë edhe nesër. Kush kërkon, gjen (fj. u.).
2. kal. dhe jokal. Studioj, hulumtoj, bëj kërkime në mënyrë sistematike në një fushë të dijes a të veprimtarisë; kryej veprimtari kërkimore e shkencore. Vazhdojmë të kërkojmë.
3. kal. Shpreh a parashtroj një kërkesë; dëshiroj të flas me dikë për diçka; dëshiroj diçka për nevoja ose për qëllime të caktuara; kam një kërkesë; dua. Kërkoj të takohem me dikë. Kërkon të ndjekë universitetin. Kërkojnë hotel më të lirë (më të shtrenjtë). Kërkon ujë të ftohtë. Fëmija kërkon të pijë. E kërkoi për martesë. Ju kërkoi drejtori.
4. kal. edhe drejt. I bëj një lutje a një kërkesë me shkrim një institucioni, presidentit etj. Kërkoj të punësohem. Kërkon drejtësi (të drejtën e tij).
5. kal. dhe jokal. Kam kërkesa të mëdha ndaj vetes ose ndaj të tjerëve; jam kërkues. Një mësues (një drejtor) kërkon shumë. Kërkon deri në një kërkon me hollësi.
6. bised., kal. Provoj në gojë (një gjellë a një ushqim). Kërkon për kripë.
7. jokal., vet. v. III Ethet, ndërzehet (për kafshë).
✱Sin.: dua, dëshiroj, hulumtoj, gjurmoj, studioj, provoj, mbarset, ethet, ndërzehet.
♦ I kërkoj *dorën (dikujt) etnogr. Ç’kërkoi e gjeti (dikush) e kishte vetë fajin; sipas kokës i vënë festen. I kërkoj hesap (*llogari) (dikujt). Kërkon *hënën (dikush). I *kërkoj llogari (hesap) (dikujt). Si e kërkon (si e lyp) *e mbara. E kërkoj me *qiri (dikë a diçka).

PAJTOHEM

►PAJTÓH/EMII jovep., ~ÓVA (u), ~ÚAR 1. vetv. Hyj në punë te dikush, duke rënë në ujdi për pagesën (në kushtet e sundimit të pronës private). Pajtoheshin shërbyes (argatë). U pajtua në punë.
2. vetv. Bëj pajtimin për një organ shtypi a për diçka tjetër. U pajtua në gazetë (në revistë, kampionatin e futbollit). Pajtohet çdo vit (çdo gjashtë muaj).
3. pës. e PAJTÓJ.
✱Sin.: punësohem, angazhohem, abonohem.

PUNËSIM

PUNËSÍM,~I m. sh. ~E, ~ET Veprim i kur punësoj dikë ose kur punësohem. Punësimi i të sapodiplomuarve. Punësim sezonal.
✱Sin.: pajtim, punësi.

RROGOHEM

►RROG/ÓHEM jovep., ~ÓVA (u), ~ÚAR Punësohem. U rrogua nëpër shtëpi të ndryshme.
✱Sin.: pajtohem, sistemohem, rregullohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë