Fjalori

Rezultate në përkufizime për “punëdhënës”

Mëso si ta përdorësh
<<< Kthehu te kërkimi kryesor në fjalor

MBAJTJE

MBÁJTJ/E,~A f. sh. ~E, ~ET Veprimi ose gjendja kur mbaj dikë a diçka ose kur mbahem nga dikush a diçka. Mbajtja e anijeve nëpër porte. Mbajtja e makinave (e biçikletave, e armëve). Mbajtja e frymës gjatë zhytjes në ujë. Mbajtja e lidhjeve me të afërmit jashtë shtetit. Mbajtja e mbledhjes (e konferencës, e kongresit). Mbajtja e llogarisë (e procesverbalit). Mbajtja e ligjëratave (e leksioneve). Mbajtja e çmimeve në nivel normal. Mbajtja e pushtetit me çdo kusht. Mbajtje (nga pagesa) për garanci (bank.) përqindje parash që një punëdhënës ose një individ mban si garanci për punën e paplotë ose të pasaktë të kryer nga i punësuari.

PAGËDHËNËS

PAGËDHË́NËS,~I m. sh. ~, ~IT Ai që i jep pagë dikujt për punën e bërë, punëdhënës.

PAJTUES

PAJTÚES,~III m. sh. ~, ~IT 1. Ai që merr a zë me qira për një kohë të caktuar një mjet, një shtëpi etj. Pajtues makine (biçiklete, skafi).
2. Ai që bën pajtim për internetin, për një organ të shtypit, për ndeshjet sportive etj., abonues, abonent. Lista e pajtuesve. Shtohet numri i pajtuesve.
✱Sin.: qiramarrës, punëdhënës, abonues, abonent.

PUNËDHËNËS

PUNËDHË́́NËS,~E mb. Që jep punë. Ndërmarrja (sipërmarrja) punëdhënëse. Pronar punëdhënës.

PUNËSUES

PUNËSÚES,~I m. sh. ~, ~IT Ai që të merr në punë, ai që të punëson. Punësues të mëdhenj (të vegjël).
✱Sin.: punëdhënës, pajtues.

SHARËS

SHÁRËS,~E mb. 1. Që të shan, që të fyen rëndë. Grua sharëse. Punëdhënës sharës.
2. Që përmban një sharje, që është si sharje, sharak. Llafe (fjalë shprehje) sharëse. Akuzë sharëse.
✱Sin.: sharak, qortues, gojëndyrë, gojëlëshuar, gjuhëlashtë, gjuhëlëshuar, gojështhurur, gjues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë