Fjalori

Rezultate në përkufizime për “publicist”

Mëso si ta përdorësh
<<< Kthehu te kërkimi kryesor në fjalor

ANALIST

ANALÍST,~III m. sh. ~Ë, ~ËT 1. Ai që analizon çështje a tema nga fusha të ndryshme; analizues. Analist i ekonomisë. Analist profesional. Analist politik. Analist bankar (financiar). Analist i tregut (i bursës). Analist opinionist.
2. Publicist që merret me analizën e ngjarjeve e të situatave politike etj.; opinionist. Analistët politikë. Analistët televizivë.
✱Sin.: analizues, komentues, kritik, opinionist.

GAZETAR

GAZETÁR,~I m. sh. ~Ë, ~ËT Punonjës i një gazete a i një reviste, që shkruan e redakton artikuj të ndryshëm për shtypin ose përgatit e drejton emisione të ndryshme në radio, në televizion a online. Gazetar i zoti (i ri, i vjetër). Gazetar shqiptar. Gazetar i huaj. Klubi i gazetarëve. Foli përpara gazetarëve.
✱Sin.: publicist, kalemxhi.

KOMENTUES

KOMENTÚES,~E mb. 1. Që komenton; që është komentator a komentatore. Publicist komentues.
2. si em. m. e f. Sipas kuptimit të mbiemrit.

KRONIKAN

KRONIKÁN,~E mb. 1. hist. Që bënte a shkruante kronika (në Mesjetë). Shkrime kronikane. Kronikanët e Beratit.
2. pub. Që bën kronika lajmesh të ditës; që informon publikun me kronika. Gazetar (publicist, korrespondent) kronikan.
3. si em. m. e f. Sipas kuptimit të mbiemrit.

PENË

PÉN/Ë,~A f. sh. ~A, ~AT 1. Mjet për të shkruar me bojë, që ka një bisht të hollë dhe me një majë të metaltë të hollë e të çarë; maja e këtij mjeti që shkruan. Penë shkrimi (vizatimi). Njeri i penës ai që shkruan letërsi artistike, shkrimtarët. Bisht (majë) pene. Është i penës di të shkruajë bukur, i vjen ndoresh shumë për të shkruar. Ka luftuar me pushkë dhe me penë ka luftuar me armë dhe me dituri, me shkrime etj. Iku kordha e jatagani, erdhi pena e mellani. (fj. u.).
2. fig. Ai që shkruan një vepër, zakonisht letrare; shkrimtar a publicist. Penë e njohur (e re, e shquar).
✱Sin.: pendë, shkrimtar, letrar, publicist.
♦ Me një të rënë të penës (pene) shih me një të rënë të lapsit (të kalemit). Rrok penën i përvishem me zell një pune të madhe me shkrim për qëllime të caktuara; i përvishem me vrull një shkrimi. I shket (i ecën) pena (dikujt) është i zoti t’i hedhë në letër me lehtësi mendimet e veta, i ecën në të shkruar; është i aftë për të shkruar artikuj e vepra të tjera. Me një *vijë pene.

PUBLICIST

PUBLICÍST,~I m. sh. ~Ë, ~ËT Ai që shkruan për çështje politiko-shoqërore, ai që merret me publicistikë. Publicist i njohur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë