Fjalori

Rezultate në përkufizime për “psikoterapi”

Mëso si ta përdorësh
<<< Kthehu te kërkimi kryesor në fjalor

PSIKO-

PSIKO- fjalëform., libr. Gjymtyrë e parë e fjalëve të përbëra, që u përgjigjet kuptimeve të fjalëve “psikikë; psikik” (p.sh. psikobiologji, psikofizikë, psikokirurgji, psikopatologji, psikoterapi etj.).

PSIKOTERAPI

PSIKOTERAPÍ,~A f., mjek. Metodë e mjekimit të të sëmurëve duke vepruar në psikikën e tyre me anë të fjalëve qetësuese, me anë të hipnozës etj. E shëroi me psikoterapi.

PSIKOTERAPIST

PSIKOTERAPÍST,~I m. sh. ~Ë, ~ËT Ai që merret me psikoterapi, specialist në psikoterapi.

PSIKOTERAPISTE

PSIKOTERAPÍST/E,~JA f. sh. ~E, ~ET Ajo që merret me psikoterapi, specialiste në psikoterapi.

TERAPI

TERAPÍ,~A f. sh. ~, ~TË 1. mjek. Trajtim apo ndërhyrje që ka për qëllim shërimin ose lehtësimin e një sëmundjeje; trajtim mjekësor për të shëruar, kuruar a lehtësuar sëmundjen e një të sëmuri; trajtim terapeutik për të ndihmuar dhe përmirësuar shëndetin; pjesë e mjekësisë që merret me trajtimin e sëmundjeve pa kirurgji. Terapi me ultratinguj. Terapi me ozon. Terapi kundër dhembjeve kronike. Terapia fizike. Filloi terapinë. Terapi intensive.
2. psikol. Proces ndërhyrjeje profesionale për të përmirësuar gjendjen mendore, emocionale ose sjellore të një individi; psikoterapi. Terapi konjitive. Terapi familjare. Terapi në grup. Terapi e sjelljes.

TERAPIST

TERAPÍST,~I m. sh. ~Ë, ~ËT 1. mjek. Profesionist i mjekësisë; shërues, mjekues, kurues.
2. psikol. Psikolog, psikanalist që drejton një psikoterapi; psikoterapeut.
3. Profesionist (me ose pa diplomë mjekësore) që ndihmon një të sëmurë të rimarrë veten.
✱Sin.: mjek, mjekues, kurues, shërues, psikolog, psikanalist, psikoterapeut.

TERAPISTE

TERAPÍST/E,~JA f. sh. ~E, ~ET 1. mjek. Profesioniste e mjekësisë; shëruese, mjekuese, kuruese.
2. psikol. Psikologe, psikanaliste që drejton një psikoterapi; psikoterapeute.
3. Profesioniste (me ose pa diplomë mjekësore) që ndihmon një të sëmurë të rimarrë veten.
✱Sin.: mjeke, mjekuese, kuruese, shëruese, psikologe, psikanaliste, psikoterapeute.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë