Fjalori

Rezultate në përkufizime për “psikikë”

Mëso si ta përdorësh
<<< Kthehu te kërkimi kryesor në fjalor

PASQYROJ

PASQYR/ÓJ vep., ~ÓVA, ~ÚAR kal. 1. vet. v. III Riprodhon figurën ose shëmbëllimin e dikujt a të diçkaje (për një pasqyrë a një sipërfaqe të lëmuar dhe të ndritshme). Uji pasqyronte qiellin.
2. vet. v. III, spec. Kthen rrezet e dritës; kthen valët e zërit në drejtim të kundërt. Hëna pasqyron dritën e Diellit. Liqeni pasqyronte rrezet e Diellit.
3. fig. E jap a e përfshij në një material të shkruar, në një tabelë, në një skicë etj.; paraqit. E pasqyroj në plan (në raport). I ka pasqyruar të gjitha të dhënat. Nuk e ka pasqyruar drejt.
4. vet. v. III, fig. E shfaq nga jashtë, e shpreh në mënyrë të dukshme, shërben si pasqyrë a si paraqitje. Pasqyron gjendjen. Pasqyronte ndjenjat e tij. Konferenca pasqyroi arritjet e deriatëhershme.
5. fig. Riprodhoj në një vepër letrare ose artistike, jap. Letërsia pasqyron jetën shoqërore. Vepra pasqyron një ngjarje historike. Pasqyron me art.
6. filoz. Riprodhoj në psikikë e në ndërgjegje figurat e botës së jashtme.
✱Sin.: reflektoj, kthej, bredh, paraqit, jap, mishëroj, shpreh riprodhoj, përfshij, shfaq, shpreh, them.

PSIKIKË

PSIKÍK/Ë,~A f. Tërësia e përjetimeve shpirtërore si pasqyrim i botës së jashtme në ndërgjegjen e njeriut dhe si produkt e kusht i bashkëveprimit të tij me mjedisin që e rrethon, bota shpirtërore. Psikikë e shëndoshë (e sëmurë). Psikika e njeriut (e fëmijës). Psikika e kafshëve.

PSIKO-

PSIKO- fjalëform., libr. Gjymtyrë e parë e fjalëve të përbëra, që u përgjigjet kuptimeve të fjalëve “psikikë; psikik” (p.sh. psikobiologji, psikofizikë, psikokirurgji, psikopatologji, psikoterapi etj.).

PSIKË

PSÍK/Ë,~A f. Psikikë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë