Fjalori

Rezultate në përkufizime për “prurje”

Mëso si ta përdorësh
<<< Kthehu te kërkimi kryesor në fjalor

BARTJE

BÁRTJ/E,~A f. sh. ~E, ~ET 1. Veprimi kur bart diçka, mbartje. Bartja e druve. Bartje me kuaj.
2. fin. Kalimi ose hedhja e të dhënave a e shifrave nga një llogari në një tjetër. Bartje llogarie.
3. Sjellje; prurje. Bartja e një lajmi.

BEGATSHËM

BEGÁTSH/ËM (i), ~ME (e) mb. 1. Që ka diçka me shumicë, që është plot të mira; që jep ose që prodhon shumë, i frytshëm, pjellor. Vend i begatshëm. Tokë e begatshme. Korrje (vjelje) të begatshme. Punë e begatshme. Vit i begatshëm. Jetë e begatshme. Bashkëpunim i begatshëm. Kohë të begatshme.
2. fig. I begatë2. Leksik i begatshëm. Prurje të begatshme leksikografike. Materiale të begatshme për studimin e folklorit.
3. fig. Që vjen me vrull e me shumicë; i bollshëm. Ditë e begatshme për lajme të mira.
4. vjet. Begator2. U bë i begatshëm. Vinte nga prindër të begatshëm.

DEBIT

DEBÍT,~I m. Sasia e ujit, e naftës a e gazit, që del nga një burim në një njësi kohe; prurje. Debit i ulët (i lartë, i mesëm). Debiti i ujit. Debiti i lumit. Debiti i puseve. Rritja e debitit.

PASHQETËSUESHËM

PASHQETËSÚESH/ËM (i), ~ME (e) mb. Që nuk është i shqetësueshëm; që nuk të shqetëson; kund. i shqetësueshëm. Qëndrim i pashqetësueshëm. Prurje të pashqetësueshme ujërash. Rritje e pashqetësueshme e inflacionit.

PRURJE

PRÚRJ/E,~A f. sh. ~E, ~ET 1. Veprimi kur bie, kur sjell a mbart diçka.
2. Sasia e ujit e shprehur me metra kub ose me litra në një sekondë që llogaritet se rrjedh në një prerje tërthore të lumit, të kanalit etj. Prurja vjetore (mesatare, e zakonshme). Prurjet e lumenjve (e përrenjve). Matin prurjen. Prurje maksimale (gjeogr.) sasia maksimale e ujit që mbart një rrjedhje ujore në një kohë e në një vend të caktuar. Prurje minimale (gjeogr.) sasia minimale e ujit që mbart një rrjedhje ujore në një kohë e në një vend të caktuar. Prurje e ngurtë (gjeogr.) sasia e materialit të ngurtë që mbart një rrjedhë uji.
3. Çdo gjë që sjell me vete rrjedha e lumit, e një kanali etj. Prurje e ngurtë prurje me lëndë të ngurta, si gurë, zhavorr etj. Pastruan shtratin e lumit nga prurjet. Prurje vëllimore.
4. Arritje në një punë. Prurjet e reja në studimet albanologjike (në shkencat matematikore, në shkencat ekonomike, në nanoteknologji, në kompjuteristikë).
✱Sin.: mbartje, sjellje, zhvendosje, njoftim, paraqitje, parashtrim, sjellje.

SHUMTË

SHÚMTË (i, e) mb. Që është në sasi të madhe; që përbëhet nga një numër i madh qeniesh, sendesh, dukurish etj. të një fare. Pyetje të shumta. Veprimtari të shumta. Mundësi të shumta. Gjetje (prurje) të shumta. Ndërtime të shumta. Rrëshqitje të shumta. Vlera të shumta. Të ngrënët e shumtë të bën dëm. Shpresat janë të shumta. Jemi të shumtë në numër. Fjalët e shumta janë fukarallëk. (fj. u.).

SJELLJE

SJÉLLJ/E,~A f. sh. ~E, ~ET 1. Mënyra si vepron njeriu në jetë, në shoqëri, në shkollë etj.; qëndrimi në marrëdhënie me të tjerët ose kundrejt detyrave e në rrethana të caktuara. Sjellje e mirë (shembullore). Sjellje e keqe (e ashpër, e shthurur). Sjellja e nxënësve (e fëmijëve). Sjellja në shtëpi (në rrugë). Sjellje me edukatë. Sjellja me prindërit (me shokët). Mënyra e sjelljes. Ka sjellje të mira. Vë notë në sjellje. I uli (i theu) notën në sjellje. E përmirësoi sjelljen. Sjellja e zbukuron njeriun. (fj. u.).
2. kryes. sh. Prurje. Sjelljet e lumit kishin mbuluar bregun.
3. Shakullinë, dredhë. Nuk i pëlqeu sjellja e saj.

SJELLË

SJÉLL/Ë,~AII (e) f. sh. ~A, ~AT (të) 1. Qarkullim (kapitali, mallrash). Të sjellat vjetore plotësuan fondet për qytetin.
2. Rrotullim. Iu morën mendtë nga e sjella e kokës.
3. Prurje. Të sjellat e përroit ishin shumë të rrëmbyeshme.

ZHAKRA

ZHÁKRA,~T f. vet. sh. 1. Gjethe drurësh të rëna përtokë. E mbuluan zhakrat.
2. Lumare, rrozga, prurje nga vërshimi i lumenjve. Ndez zjarrin me zhakra. Lumi sjell shumë zhakra kur vjen me rrëmbim
✱Sin.: lym, mbeturina, shpërlasina, lumare, rrozga, rrëzall.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë