Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AUTOREKLÁM/Ë,~A f. sh. ~A, ~AT Formë reklame që bëhet nga vetë autori për të promovuar veprën, produktin ose shërbimin e tij nëpërmjet medieve televizive, rrjeteve sociale, faqeve personale të internetit, platformave digjitale, blogjeve ose kanaleve të tjera. Autoreklamë e librit të fundit. Përgatiti një autoreklamë për shërbime profesionale. Autoreklamë promovuese.
✱Sin.: vetëreklamë, vetëreklamim, autoreklamim, vetëpromovim.
MUJSHÁR,~E mb. Që përdor forcën vetëm pse mundet me qëllim që ta detyrojë dikë tjetër të bëjë diçka, që shpërdoron fuqinë a pushtetin për të sunduar me dhunë mbi të tjerët ose për të bërë atë që do vetë, që sillet e që vepron me prepotencë; zullumqar; dhunues; bullizues. Shpëtoj prej njeriut mujshar. Ndihem i turpëruar me disa sjellje mujshare të shokëve të mi. Në fillim fjalët e tij iu dukën disi mujshare. Politika mujshare si promovuese e dhunës në shoqëri.
✱Sin.: zullumqar, dhunues, bullizues.
PLANIFIK/ÓJ vep., ~ÓVA, ~ÚAR kal. 1. Bëj me kohë planin e masave që duhen marrë dhe afatet për të kryer një punë, një veprimtari etj.; organizoj punën sipas një plani. Planifikuan rindërtimin e shkollave pas tërmetit. Planifikojnë prodhimet e perimeve (të pajisjeve elektronike). E kanë planifikuar punën në mënyrë shkencore.
2. ek. Përcaktoj në plan detyrat, treguesit dhe mjetet e nevojshme për zhvillimin e ekonomisë, të kulturës, të shkencës etj.; e fut në plan një punë a një detyrë, e përfshij në plan. Planifikojmë zhvillimin veprimtarive sportive (kulturore, promovuese për turizmin malor).
3. bised. Kam ndër mend të bëj diçka, synoj, vë në plan. Nuk e kishte planifikuar atë vizitë.
✱Sin.: planëzoj, programoj, përcaktoj, organizoj, parashikoj, mendoj, synoj.
PROMOVÚES,~E mb. Që promovon dikë a diçka. Ent promovues. Veprimtari promovuese. Takim promovues. Shkollat (institucionet) promovuese.
PROMOVÚES/E,~JA f. sh. ~E, ~ET Ajo që promovon dikë a diçka. Promovueset gjimnaziste. Promovuese e perlës natyrore të Sharrit.
VIDEÓGRAF,~I m. sh. ~Ë, ~ËT Specialist që merret me regjistrimin dhe prodhimin e videove, zakonisht duke përdorur kamera profesionale dhe pajisje të tjera, që realizon dhe përpunon video për qëllime artistike, promovuese ose dokumentare.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë