Fjalori

Rezultate në përkufizime për “progres”

Mëso si ta përdorësh
<<< Kthehu te kërkimi kryesor në fjalor

AVANCIM

AVANCÍM,~I m. sh. ~E, ~ET libr. 1. Përparim, zhvillim, ngritje në një shkallë më të lartë karriere, teknologjie, njohurie, aftësie ose shkathtësie, ecje ose lëvizje përpara. Avancim i arsimit. Avancim profesional. Avancim teknologjik. Avancim në detyrë. Avancimi i trupave të sigurisë. Avancim i mjekësisë. Avancim i studimeve gjuhësore.
2. Përmirësim i gjendjes ose i pozitës së dikujt; zhvillim i vazhdueshëm në fusha të ndryshme të jetës dhe shoqërisë. Avancim në punë. Avancim në titujt shkencorë. Avancim në karrierë. Avancim i gjendjes materiale.
✱Sin.: përparim, zhvillim, ngritje, arritje, mbërritje, përmirësim, rritje, lëvizje, shtim, progres.

EVOLUTIV

EVOLUTIV,~E mb., libr. Evoluues. Procesi evolutiv. Progres evolutiv. Në një kuptim evolutiv. Në mënyrë evolutive. Specialist i gjenetikës evolutive.

PRAPAVAJTJE

PRAPAVÁJTJ/E,~A f., libr. Kthimi prapa në një gjendje të prapambetur ose të pazhvilluar, ecje kundër përparimit; rënie, regres; kund. përparim; progres. Ishte prapavajtje. Pati prapavajtje.
✱Sin.: regres, rënie, përkeqësim, keqësim.

PROGRES

PROGRÉS,~I m., libr. Prirje e përgjithshme zhvillimi, ecje përpara, kalim në një shkallë më të lartë, përparim; kund. regres. Progres i madh (i dukshëm). Progres ekonomik (shoqëror). Progresi teknik. Në rrugën e progresit.
✱Sin.: përparim, ecje, zhvillim.

PËRPARIM

PËRPARÍM,~I m. sh. ~E, ~ET 1. Veprimi kur përparoj. Përparimi i sëmundjes. Përparimi i industrisë (i teknikës).
2. Prirje e përgjithshme zhvillimi; shkalla që arrihet nga zhvillimi i mëtejshëm i diçkaje; kund. prapambetje. Përparime të mëdha. Përparime sasiore (cilësore). Përparimet në bujqësi (në industri). Ka bërë përparime në sistemin universitar.
✱Sin.: avancim, progres, marshim, ecje, lulëzim, lëvizje, mbarësi, mbrothësi, hop, hov, zhvillim, dritë, dituri.

REGRES

REGRÉS,~I m. sh. ~E, ~ET Kthim prapa në një gjendje të pazhvilluar, ecje prapa në drejtim të kundërt me përparimin; rënie; kund. përparim; progres. Regres ekonomik (shoqëror). Regres në prodhim. Periudhë regresi. Përkrahës i regresit. Në rrugën e regresit.
✱Sin.: rënie, prapavajtje.

SHAPULLUAR

SHAPULLUAR (i, e) mb. 1. Që ka përparuar, që ka pasur progres; që është shapulluar. Shofer i shapulluar në lëvizje. Djalë i shapulluar në mësime.
2. Që është i shpëtuar. Pas daljes ishte krejt i shapulluar. I shapulluar nga tërmeti.
✱Sin.: i përparuar, i avancuar, i skapulluar, i shpëtuar.

SHKALLËSHKALLSHËM

SHKALLËSHKÁLLSH/ËM (i), ~ME (e) mb., libr. Që bëhet dalëngadalë, hap pas hapi, i shkallëzuar. Progres i shkallëshkallshëm. Ndarje e shkallëshkallshme.
✱Sin.: i dalëngadalshëm, shkallëzor, i shkallëzuar, përparues, shkallë-shkallë, përparues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë