Fjalori

Rezultate në përkufizime për “problemor”

Mëso si ta përdorësh
<<< Kthehu te kërkimi kryesor në fjalor

DIAPAZON

DIAPAZÓN,~I m. sh. ~E, ~ET 1. muz. Tërësia e tingujve të një vegle muzikore ose të zërit nga më i ulëti deri te më i larti. Diapazon i gjerë (i ngushtë). Diapazoni i zërit.
2. Vegël e vogël prej çeliku, në trajtën e potkoit e me një dorezë, e cila kur e godasim jep tingullin e notës la. Diapazon regjistrues. Tingëllimi i diapazonit.
3. fig. Kufijtë deri ku mund të shtrihet a mund të arrijë diçka, gjerësia e shtrirjes së diçkaje; vëllim. Diapazon i gjerë (i ngushtë). Diapazoni tematik (problemor). Diapazoni i dijeve. Diapazon temperaturash. Aparati ka një diapazon matjeje. Kanë diapazone të ndryshme.

JOPROBLEMOR

JOPROBLEMÓR,~E mb. Që nuk shtron probleme; që nuk është a nuk shtrohet si problem; kund. problemor.

PROBLEMATIK

PROBLEMATÍK,~E mb. 1. Që përbën problem, që është problem
2. i ndërlikuar, i koklavitur. Çështje problematike. Mbetet problematike.
3. Që shtrohet si problem për t’u zgjidhur.
✱Sin.: i ndërlikuar, i koklavitur, problemor, shqetësues

PROBLEMOR

PROBLEMÓR,~E mb. 1. Që shtron probleme, që parashtron diçka duke e zbërthyer në një varg problemesh.
2. Që shtrohet si problem. Artikull problemor. Vepër problemore. Leksion (mësim) problemor.
✱Sin.: problematik, zbërthyes, trajtues.

REFERAT

REFERÁT,~I m. sh. ~E, ~ET Kumtim i gjerë me shkrim, që mbahet para një mbledhjeje për një temë të trajtuar në vijat më themelore ose hollësisht; raport i hollësishëm që mban një drejtues rreth çështjeve dhe veprimtarisë së sektorit të vet. Referat shkencor (letrar, politik). Referat problemor. Referati kryesor. Referati i drejtorit (i përgjegjësit). Diskutimet rreth referatit. Bëj (shkruaj, mbaj, lexoj) një referat.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë