Fjalori

Rezultate në përkufizime për “prijatar”

Mëso si ta përdorësh
<<< Kthehu te kërkimi kryesor në fjalor

AVANGARD

AVANGÁRD,~E mb. Që është në ballë të ndryshimeve dhe risive (artistike, kulturore, politike, teknologjike etj.), që sfidon traditat dhe marrëveshjet ekzistuese, që është nismëtar, pionier në fushën e vet duke promovuar ide dhe praktika të reja dhe eksperimentuese, të panjohura dhe të paprovuara më parë. Letërsi avangarde. Art avangard. Poet avangard. Intelektual avangard. Filozof avangard. Kompozitor avangard. Grup avangard. Teorik avangard. Teoria e artit avangard. Shkencëtar avangard. Mendim politik avangard. Lëvizjet politike avangardë.
✱Sin.: pararojë, nismëtar, prijatar, risimtar, pionier, pararendës, novator.

AVANGARDIST

AVANGARDÍST,~E mb. Që ka të bëjë me avangardën, që i përket avangardës, i avangardës. Film avangardist. Artiste avangardiste. Lëvizja politike avangardiste. Idetë avangardiste. Njerëz avangardistë.
✱Sin.: pararojë, nismëtar, prijatar, risimtar, pionier, pararendës, novator.

AVANGARDIST

AVANGARDÍST,~I m. sh. ~Ë, ~ËT Ai që është në ballë të ndryshimeve novatore dhe që sfidon normat dhe marrëveshjet ekzistuese në fusha të ndryshme, si në art, kulturë, politikë, arkitekturë, teknologji etj. Avangardisti i skulpturës shqiptare. Avangardist origjinal. Avangardist në stil dhe në përmbajtje. Avangardistët radikalë.
✱Sin.: pararojë, nismëtar, prijatar, risimtar, pionier, pararendës, novator.

AVANGARDË

AVANGÁRD/Ë,~A f. 1. Lëvizje ose grup individësh përparimtarë, që sfidojnë traditat dhe marrëveshjet ekzistuese, që janë nismëtarë në art, në kulturë, në filozofi, në politikë apo në teknologji; lëvizje novatore, eksperimentuese që sjell ndryshime ose kthesa rrënjësore. Estetika e avangardës. Avangardë revolucionare. Aspekte historike (shoqërore, filozofike, psikologjike, artistike) të avangardës.
2. usht. Forca të organizuara që ecin përpara pjesës kryesore të ushtrisë për të hapur rrugën ose për të kryer mbikëqyrje; pararojë e një ushtrie në marshim ose në betejë. Avangarda doli në ballë të betejës.
✱Sin.: pararojë, nismëtar, prijatar, risimtar, pionier, pararendës, novator.

PARATAR

PARATÁR,~I m. sh. ~Ë, ~ËT 1. Prijës, udhëheqës, prijatar, parator, parëtor.
2. Ai që është i zoti, i shkathët.
3. Ai që është i mendjes dhe i gojës, i zgjuar, i mençur.

PARATOR

PARATÓR,~I m. sh. ~Ë, ~ËT Parëtor, prijatar; prijës.

PARËTOR

PARËTÓR,~I m. sh. ~Ë, ~ËT 1. Ai që është i pari, ai që është në krye; i parë, parëtar.
2. Ai që është më i rëndësishmi në një mjedis, në një punë etj. Parëtori i shtëpisë (i zyrës). Parëtori i dasmës (i muhabetit, i tavolinës).
✱Sin.: i parë, paratar, parëtar, parëtor, prijatar, prijës, udhëheqës.

PRIJATAR

PRIJATÁR,~E mb. Udhëheqës, drejtues. Ka rol prijatar.

PRIJATARËSI

PRIJATARËSÍ,~A f. Të qenët prijatar, udhëheqësi.

PRIJËS

PRÍJËS,~I m. sh. ~, ~IT 1. Udhërrëfyes. Prijësi i grupit. Ecnin pas prijësit.
2. lart. Ai që drejton një popull, një parti, një lëvizje shoqërore etj., udhëheqës. Prijës i shquar.
3. Ai që është në krye të një ushtrie; i pari i një fisi; udhëheqës. Prijës ushtarak. Prijësit e fiseve.
✱Sin.: prijatar, prijëtar, prijëstar, prijëstor, ballëtar, ballëtor, parëtor, udhërrëfyes, udhëheqës.

PRIJËTAR

PRIJËTÁR,~I m. sh. ~Ë, ~ËT Prijatar.

PRIJËTAR

PRIJËTÁR,~E mb. Prijatar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë