Fjalori

Rezultate në përkufizime për “prijësi”

Mëso si ta përdorësh
<<< Kthehu te kërkimi kryesor në fjalor

BALLËTAR

BALLËTÁR,~I m. sh. ~Ë, ~ËT 1. Ai që prin në ballë, prijësi, i pari. E kemi ballëtar.
2. Përçor.

MUJSHI

MUJSHÍ,~A f. sh. ~, ~TË 1. Forcë që dikush e përdor për të shtrënguar një tjetër të bëjë diçka, fuqi a pushtet që dikush e shpërdoron për të sunduar mbi të tjerët ose për të bërë atë që do ai vetë; dhunë. Ai bën gjithçka me mujshi të tepruar.
2. Punë a diçka tjetër që bëhet me dhunë, vepër e dhunshme. Prijësi që i mungon urtia, bën edhe mujshi të shumta. Po i justifikonte të gjitha mujshitë.

PALADIN

PALADÍN,~I m. sh. ~Ë, ~ËT 1. Kreshnik.
2. Trim në oborrin mbretëror.
3. Shoqërues ose bashkëpunëtor i një prijësi.

PRIJËS

PRÍJËS,~I m. sh. ~, ~IT 1. Udhërrëfyes. Prijësi i grupit. Ecnin pas prijësit.
2. lart. Ai që drejton një popull, një parti, një lëvizje shoqërore etj., udhëheqës. Prijës i shquar.
3. Ai që është në krye të një ushtrie; i pari i një fisi; udhëheqës. Prijës ushtarak. Prijësit e fiseve.
✱Sin.: prijatar, prijëtar, prijëstar, prijëstor, ballëtar, ballëtor, parëtor, udhërrëfyes, udhëheqës.

PRIJËSOR

PRIJËSÓR,~E mb. Që ka të bëjë me një prijës; që i përket një prijësi, i prijësit. Shenja dalluese prijësore.

SULJOT

SULJÓT,~E mb. Që është i Sulit; që ka të bëjë me Sulin, me vendasit a banorët e tij. Sakrifikimi i grave suljote. Përkujtohet prijësi suljot. Vinte nga një fis suljot. Kapiteni suljot.

ZEMËRVOGËL

ZEMËRVÓGËL mb. 1. Që e ka zemrën të ngushtë, që edhe në gjërat më të vogla shikon përfitimin e vet, që shikon me smirë çdo të mirë që kanë të tjerët, shpirtvogël, zemërngushtë; kund. zemërmadh. Njeri zemërvogël. - Unë s’jam zemërvogël që të mos i çmoj të gjitha këto gjëra të mira. Në vendin e prijësit zemërmadh është ulur prijësi zemërvogël. (folk.). Po mëllenja ishte zemërvogël dhe nuk e ndihmoi gushëkuqin. (folk.).
2. si em. m. e f. Sipas kuptimit të mbiemrit.
✱Sin.: zemërngushtë, shpirvogël, shpirtngushtë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë