Fjalori

Rezultate në përkufizime për “prepotencë”

Mëso si ta përdorësh
<<< Kthehu te kërkimi kryesor në fjalor

MUJSHAR

MUJSHÁR,~E mb. Që përdor forcën vetëm pse mundet me qëllim që ta detyrojë dikë tjetër të bëjë diçka, që shpërdoron fuqinë a pushtetin për të sunduar me dhunë mbi të tjerët ose për të bërë atë që do vetë, që sillet e që vepron me prepotencë; zullumqar; dhunues; bullizues. Shpëtoj prej njeriut mujshar. Ndihem i turpëruar me disa sjellje mujshare të shokëve të mi. Në fillim fjalët e tij iu dukën disi mujshare. Politika mujshare si promovuese e dhunës në shoqëri.
✱Sin.: zullumqar, dhunues, bullizues.

MUJSHOJ

MUJSH/ÓJ vep., ~ÓVA, ~ÚAR kal. 1. Përdor forcën vetëm pse mundem me qëllim që ta detyroj një tjetër të bëjë diçka ashtu siç dua unë, shpërdoroj fuqinë a pushtetin për të sunduar me përdhunë mbi të tjerët ose për të bërë ç’dua unë; e detyroj dikë me dhunë e prepotencë; bullizoj. Mos e mujsho dikë pse është i varfër!
2. fig. Ushtron forcë sepse e ka në dorë atë pushtet, e mundon shumë. Poetin e mujshon heshtja.
✱Sin.: detyroj, bullizoj.

MUJSHËM

MÚJSHËM ndajf. 1. Duke ushtruar forcë për të arritur diçka vetëm sepse mundet; me sjellje të ashpër, me vrazhdësi, me prepotencë, dhunshëm. Mund të sillet mujshëm. Luan mujshëm. Vepron mujshëm.
2. Me forcë të madhe, rëndshëm, shumë, tepër. Sëmundja vepron mujshëm. Ai punon mujshëm.
✱Sin.: ashpërsisht, vrazhdësisht, dhunshëm, shumë, tepër, rëndë.

PREPOTENCË

PREPOTÉNC/Ë,~A f., libr., keq. Pushtet a forcë që dikush e përdor për të trembur, për të detyruar a për të shtrënguar një tjetër të bëjë ashtu si thotë ai; mujshi. Sillej me prepotencë. E kritikuan ashpër për prepotencë.
✱Sin.: mujshi, dhunë, fuqi, pushtet, diktat, bullizëm.

PREPOTENT

PREPOTÉNT,~I m. sh. ~Ë, ~ËT Ai që sillet e që vepron me prepotencë, mujshar. Qëndrim (përgjigje) prej prepotenti.

PREPOTENT

PREPOTÉNT,~E mb., libr., keq. Që sillet e që vepron me prepotencë, mujshar; që është karakteristik për një njeri të tillë; që bëhet me prepotencë. Drejtues prepotent; sjellje prepotente.
✱Sin.: mujshar, dhunues, i dhunshëm, i plotpushtetshëm, i gjithëpushtetshëm.

PREPOTENTE

PREPOTÉNT/E,~JA f. sh. ~E, ~ET Ajo që sillet e që vepron me prepotencë, mujshare.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë