Fjalori

Rezultate në përkufizime për “preparat”

Mëso si ta përdorësh
<<< Kthehu te kërkimi kryesor në fjalor

AUTOVAKSINË

AUTOVAKSÍN/Ë,~A f. sh. ~A, ~AT farm. Preparat që përgatitet individualisht për një pacient duke përdorur materialin e vet biologjik, që përmban mikroorganizma patogjenë të çaktivizuara për të nxitur sistemin mbrojtës të trupit dhe për të përballuar infeksionet. Trajtim me autovaksinë. Mori autovaksinën. Zbulimi i autovaksinës. Autovaksina bakterore.

JOSHËS

JÓSHËS,~I m. sh. ~A, ~AT 1. Gur ku u qitet kripë deleve; gjollë.
2. fig. Send që i ofrohet dikujt për ta bërë për vete.
3. Preparat kimik i përzier me një lëndë ushqyese (hime, bërsi), që shërben për tërheqjen e insekteve për t’i mbytur.

LARVICID

LARVICÍD,~I m. Pesticid ose preparat për zhdukjen e larvave të insekteve të dëmshme.

PREPARAT

PREPARÁT,~I m. sh. ~E, ~ET spec. 1. Prodhim kimik a farmaceutik që përdoret për qëllime të ndryshme; lëndë kimike e përgatitur për kërkime dhe eksperimentime; përgatesë. Preparat kimik (farmaceutik, mjekësor). Preparat radioaktiv.
2. Pjesë e marrë nga një organizëm bimor a shtazor, i përgatitur posaçërisht për vëzhgime, për studime a për qëllime mësimore. Preparat bimor (shtazor). Preparat i lëngët.

PËRGATESË

PËRGATÉS/Ë,~A f. sh. ~A, ~AT spec. Prodhim kimik që përdoret si bar; lëndë kimike e përpunuar posaçërisht që përdoret për eksperimentime etj.; preparat.

SHFLETUES

SHFLETÚES,~I m. sh. ~, ~IT 1. Punëtori që ndan gjethet e duhanit sipas cilësisë, seleksionues. E punësuan si shfletues. Shfletues i ri (i vjetër). Shfletues mjaft punëtor.
2. bujq. Preparat për rrëzimin e gjetheve.
3. kompj. Program kompjuterik që përdoret për të kërkuar informacione a për të hyrë në faqe të ndryshme në internet. Shfletues elektronik. Shfletues i shpejtë. Shpejtësia e shfletuesve.
✱Sin.: seleksionues, përzgjedhës.

SHUES

SHÚES,~E mb. Që shërben për të shuar zjarrin. Lëndë shuese. Preparat shues.

UROTROPINË

UROTROPÍN/Ë,~A f., mjek. Preparat që përdoret si dezinfektues i traktit urinar.

VAKSINË

VAKSÍN/Ë,~A f. sh. ~A, ~AT mjek. Lëndë, preparat special i përpunuar në laborator, që përmban mikrobe të dobësuara a të ngordhura ose helme të tyre dhe që futet në organizmin e njeriut a të kafshës për të stimuluar zhvillimin e antitrupave, për ta bërë organizmin të paprekshëm nga disa sëmundje e për të rritur qëndresën kundrejt tyre. Vaksinë kundër lisë (kundër difterisë, kundër kollës së mirë, kundër fruthit). Vaksina kundër tuberkulozit. Bëri vaksinën. Vaksina kundër infeksionit të hepatitit B (HBV).

VITAMINOZ

VITAMÍNOZ,~E mb. (lat. Vitamina) Që ka të bëjë me vitaminat, që i përket vitaminave, i vitaminave. Krem vitaminoz. Preparat vitaminoz.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë