Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
►LËNGËSHT/ÓHEM jovep., ~ÓVA (u), ~ÚAR 1. vetv. Më lëshon goja lëng. Vetëm nga përmendja e supës së saj të preferuar, ai filloi të lëngështohej.
2. vetv., vet. v. III 1. Lëngëzohet. Lëngështohet plumbi (kallaji). Lëngështohet gazi.
3. vetv., vet. v. III Mbushet gjithë lëng, i hipën ujthi (për drurët); mbushet me lëng, ujësohet (për pemët etj.). Lëngështohen drurët (pemët). Lëngështohen dardhat (trangujt).
4. pës., vet. v. III e LËNGËSHTOJ.
✱Sin.: lëngësohet, lëngëzohet, lagështohet, ujësohet.
MOLLOKÓP,~I m. sh. ~Ë, ~ËT zool. (lat. Sciaena umbra) Lloj peshku i zi i ngjashëm me levrekun, me mish të shijshëm, rreth 50 cm i gjatë, që jeton në shtratin e detit, rritet me ngadalë dhe jeton deri në tridhjetë vjet; korbi i zi, syqo. Mollokopi ishte mjaft i preferuar për amatorët e peshkimit në gjirin detar të Vlorës.
MONOPATÍN/Ë,~A f. sh. ~A, ~AT 1. Mjet lodër i përbërë nga një pllakë metalike me dy rrota të vogla dhe një timon të mbështetur në një shufër të gjatë metalike. Monopatinat janë një nga lojërat më argëtuese për fëmijët.
2. Një mjet i ngjashëm i pajisur me motor elektrik që shërben për të lëvizur në distanca të gjata. Monopatinat janë kthyer në mjetin e preferuar të të rinjve.
NDJEK vep., NDÓQA, NDJÉKUR kal. 1. Shkoj prapa dikujt a prapa diçkaje për ta kapur, i vihem pas për ta zënë ose për ta dëmtuar a për ta asgjësuar. Ndjek ujkun. Ndjek gjakun. Ndjek armikun (keqbërësin). E ndoqi këmba-këmbës. E ndjek nga pas. I ndoqi deri larg.
2. Eci pas dikujt a pas diçkaje që prin, i shkoj prapa pa iu ndarë. Qeni e ndjek të zotin. Ndoqëm udhërrëfyesin. Ndjek gjurmën. Ishte lodhur e nuk e ndiqte dot nga pas.
3. Eci në një rrugë, në një shteg a në një drejtim të caktuar. Ndoqën rrjedhën e lumit. Ndoqën vazhdën e gjurmëve.
4. fig. Zbatoj një mënyrë a një metodë të caktuar, eci sipas ideve a sipas parimeve specifike. Ndjek një rrugë të drejtë (të gabuar). Ndjek një politikë të drejtë.
5. Shoqëroj veprimet e një tjetri, e dëgjoj çfarë thotë ose përsërit atë që bën dikush tjetër. Ndjek fillin e mendimeve të dikujt. Nxënësit ndiqnin leximin e mësuesit. Nuk po më ndjek me vëmendje.
6. fig. Veproj ose sillem sipas shembullit të dikujt, e kam si udhëheqje a si udhërrëfyes; Ndjek këshillat e dikujt. Ndjekin modën. Ndjek shembullin e më të mirëve. Ndoqën rrugën e të parëve të tyre.
7. Lexoj, dëgjoj a shikoj rregullisht veprimtarinë apo aktivitetet e një shkrimtari, gazetari, këngëtari, të një emisioni etj. Ndjek emisionin tim të preferuar. Ndjek dikë në rrjetet sociale.
8. Jam pasues a përkrahës i dikujt a i diçkaje, jam ithtar. Ndjek një rrymë politike (filozofike, artistike etj.).
9. Vështroj diçka që lëviz, e shoqëroj me shikim. Ndjek me sy. E ndoqi deri sa u zhduk nga sytë.
10. Shoh ose dëgjoj një shfaqje, një program etj. Ndjek një ndeshje (një lojë). Ndjek punimet e një konference. E ndoqi deri në fund.
11. fig. Mbikëqyr vazhdimisht për të parë si ecën e si zhvillohet diçka; kujdesem vazhdimisht për mbarëvajtjen e diçkaje, kam përsipër një punë për ta çuar deri në fund; shoh. Ndjek një çështje. Ndjek zbatimin e një projekti. Ndjek ecurinë (frekuentimin) e nxënësve. Ndjek zhvillimin e ngjarjeve. Ndjek me vëmendje (me kujdes, me interesim, me kënaqësi, me padurim, me ankth) diçka.
12. fig. Synoj të arrij diçka. Ndjek një qëllim (një objektiv).
13. Shkoj rregullisht në një shkollë a diku tjetër për të mësuar; vijoj. Ndjek shkollën (kursin). Ndjek mësimet (studimet). Ndjek një trajnim online. Ndjek klasën e parë.
14. bised. Dëboj; përzë. E ndoqën nga puna. E ndoqi nga shtëpia. I ndoqëm pushtuesit e huaj. Ndiqi ato mendime nga koka!
15. jokal., vet. v. III Vjen në radhë pas dikujt a pas diçkaje, pason. Në kapitujt që ndjekin. Bibliografia që ndjek përfundimet, është shumë e pasur.
✱Sin.: ndehem, pilohem, qepem, gjurmoj, ith, shkreh, gjëmoj, nuhurit, hetoj, shoqëroj, dëgjoj, përsëris, veproj, sillem, vijoj, shkoj, pasoj, përkrah, vështroj, sodis, frekuentoj, përcjell, vëzhgoj, vij, shoh, shikoj, mbikëqyr, trajtoj, synoj, dëboj, përzë, shkul, përndjek.
♦ E ndjek në çdo çap (në çdo *hap) (dikë a diçka). Ndjek *gjurmët (e dikujt). E ndjek *gjurmë për gjurmë (gjurmë pas gjurme) (dikë a diçka). E ndjek *hap për (më) hap (dikë a diçka). E ndjek *hap pas hapi (dikë a diçka). Ndjek një *hulli. As të *prin e as të ndjek (dikush). Ndjek *rrugën (udhën) (e dikujt). Ndjek udhën (*rrugën) (e dikujt).
PARAPËLQÝER (i, e) mb. Që është parapëlqyer a që parapëlqehet, i preferuar. Filmi (libri, ushqimi) im i parapëlqyer.
PREFERÚESH/ËM (i), ~ME (e) mb. Që preferohet, që është i preferuar; i parapëlqyeshëm. Tip i preferueshëm. Sport i preferueshëm. Muzikë (melodi) e preferueshme.
SOROLLÁTJ/E,~A f. sh. ~E, ~ET bised. 1. Veprimi kur sorollat a sorollatem; endje poshtë e lart pa punë. Sorollatja ishte aktiviteti i tij i preferuar. Pa hezituar, filloi sorollatjen e nuk bëri asgjë.
2. Vajtje sa andej-këtej pa mbaruar punë. Sorollatja e qytetarëve pa u dhënë zgjidhje problemeve duhet të ndalet.
VÓDK/Ë,~A f. Pije e fortë alkoolike si rakia, pa ngjyrë, me përmbajtje të lartë alkooli etilik, me prejardhje fillestare nga Rusia dhe Polonia, që përgatitet nga fermentimi dhe distilimi i shkallëzuar i thekrës, i grurit, i orizit, i elbit dhe kryesisht nga mielli i patates, duke e filtruar, e pastruar pas distilimit me karbon aktiv, për të mënjanuar erën dhe shijen e pakëndshme. Vodkë gruri (thekre, patateje). Vodkë ruse. Pija më e preferuar për rusët është vodka.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë