Fjalori

Rezultate në përkufizime për “prangosur”

Mëso si ta përdorësh
<<< Kthehu te kërkimi kryesor në fjalor

ARRESTUAR

ARRESTÚAR (i, e) mb., drejt. Që është kapur dhe që mbahet nën rojë, në paraburgim, që është vënë në arrest. E mbanin të arrestuar. Paraburgim për personin e arrestuar. Mbajtje e personit të arrestuar. Person i arrestuar.
✱Sin.: i paraburgosur, i burgosur, i ndaluar, i prangosur, i ndëshkuar.

ARRESTUAR

ARRESTÚAR,~A (e) f. sh. ~A, ~AT (të) drejt. Ajo që është kapur dhe që mbahet nën rojë, ajo që është vënë në arrest. Lirim me kusht për të arrestuarën. U gjykua e arrestuara. U mor në pyetje e arrestuara.
✱Sin.: e paraburgosur, e burgosur, e ndaluar, e prangosur, e ndëshkuar.

ARRESTUAR

ARRESTÚAR,~I (i) m. sh. ~, ~IT (të) drejt. Ai që është kapur dhe që mbahet nën rojë, ai që është vënë në arrest. I arrestuari u mbajt i veçuar. I arrestuari u përball me procesin gjyqësor. Liruan të arrestuarin. Njoftoj të arrestuarin për të drejtat e tij.
✱Sin.: i paraburgosur, i burgosur, i ndaluar, i prangosur, i ndëshkuar.

LIDHUR

LÍDHUR,~A (e) f. sh. ~, ~AT (të) 1. Ajo që është e lidhur me pranga; e pranguar.
2. anat. Nyjëtimet, kyçet. Të lidhurat e trupit (e gjymtyrëve, e gishtave). Është ënjtur në të lidhurat.
3. fet. Nata e fundit para fillimit të Kreshmëve, pas së cilës të krishterët nuk hanë me mish e bulmet deri sa të vijnë Pashkët; festa që bëhet me këtë rast. E diela e të lidhurave.
✱Sin.: e prangosur, nyjëtime, kyçe.

PRANGARËNDË

PRANGARË́NDË mb. Që i ka prangat të rënda; që është prangosur rëndë. Prometeu prangarëndë.

PRANGUAR

PRANGÚAR (i, e) mb., edhe si em. Që është pranguar, i arrestuar. I mbanin të pranguar.
✱Sin.: i prangosur, i ndaluar, i arrestuar, i burguar, i burgosur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë